پاکستانی موقف کی فتح ، بھارت جیت گیا مگر بھارتی بائیکاٹ مہم ناکام ہوگئی۔ دبئی میں کرکٹ اسٹیڈیم پاکستانیوں سے زیادہ بھارتی شائقین سے کچھا کھچ بھرا ہواتھا۔

پاک بھارت میچ سے قبل بھارتی میڈیا نے طوفان سر پر اٹھا رکھا تھا ۔ بھارتی میڈیا پر پاکستان پر الزام تراشی کا سلسلہ جاری رہا۔

بھارتی کھلاڑیوں ، بی سی سی آئی حکام اور بھارتی اسپانسر تک پر بائیکاٹ کے حوالے سے  شدید دبائو ڈالا گیا۔ مگر آخر میں فتح کھیل کی ہوئی ۔

دبئی اسٹیڈیم کا بھارتی شائقین سے کچھا کھچ بھرا ہونا دلیل ہے کہ دونوں ممالک کے لوگ ایک دوسرے کے کھیلناچاہتےہین۔

 بدقسمتی سے پاک بھارت کرکٹ جو دہائیوں تک کرکٹ کریسی کے طور پر امن کی سفیر بنی رہی ۔ وہ اب مودی سرکار کی نفرت اور مکروہ سیاست کی بھینٹ چڑھ چکی ہے۔

میچ کا نتیجہ بھی نکلا ہو یہ پاکستانی موقف کی فتح ہے کہ دونوں ممالک کے درمیان کرکٹ ہونی چاہیے ۔

آئی سی سی کا ایونٹ بھارتی بورڈ کسی طور پر نظر انداز نہیں کرسکتا تھا۔  ممکن ہے کہ فائنل میں پاک بھارت ٹیموں کا ایک پھر آمنا سامنا ہو۔

ایشیاکپ میں فتوحات کاتناسب

ایشیا کپ میں بھارت نے اب تک 20 میچوں میں سے 11 میں کامیابی حاصل کی جبکہ پاکستان نے 6 جیتے ہیں،پاکستان کی بھارت کے خلاف ایشیا کپ میں آخری فتح 2022 میں آئی تھی۔

بھارت 8 بار ایشیا کپ کا چیمپئن بن چکا ہے جبکہ پاکستان نے یہ اعزاز صرف 2 مرتبہ حاصل کیا۔

بھارتی واویلا ایک طرف شائقین کی دلچسپی عروج پررہی

بھارتی واویلا ایک طرف شائقین کی دلچسپی عروج پر رہی ۔ پاکستان سے میچ کے بائیکاٹ کی باقاعدہ مہم جاری رہی ، بھارتی میڈیا مسلسل پاکستان کے خلاف زہر اگلتارہا ۔

دعوے کیے گئے کہ شائقین کی پاک بھارت میچ سے دلچسپی ختم ہوچکی ہے۔ مگر یہ صرف دعوے ثابت ہوئے۔  بڑے مقابلے کے ٹکٹس کی مانگ میں اضافہ ہوا ۔ دبئی اسٹیڈیم پاکستان سے زیادہ بھارتی شائقین سے کچھا کھچ بھرا رہا۔