حارث رؤف اور صاحبزادہ فرحان کی پیشی؛ آئی سی سی کا بڑا فیصلہ سامنے آگیا

ویب ڈیسک

26th Sep, 2025. 06:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حارث رؤف اور صاحبزادہ فرحان کی پیشی؛ آئی سی سی کا بڑا فیصلہ سامنے آگیا

انٹرنیشنل کرکٹ کونسل (آئی سی سی) نے حارث رؤف پر جرمانہ عائد کرتے ہوئے صاحبزادہ فرحان کو وارننگ دے دی۔

آئی سی سی نے حارث رؤف اور صاحبزادہ فرحان کی پیشی کا فیصلہ سنادیا ہے، حارث رؤف پر میچ فیس کا 20 فیصد جرمانہ عائد اور اشارے کرنے پر وارننگ بھی دی گئی۔

صاحبزادہ فرحان پر جرمانہ عائد نہیں کیا گیا جب کہ انہیں بلا بندوق کی طرح لہرانے پر صرف وارننگ ملی ہے۔ آئی سی سی نے دونوں کھلاڑیوں کو لیول ون جرم کا مرتکب قرار دیا ہے۔

خیال رہے کہ بھارت کے خلاف ایشیاکپ کے میچ میں حارث رؤف نے 0-6 کا اشارہ کیا تھا جب کہ صاحبزادہ فرحان نے اپنی ففٹی کی سیلیبریشن پر بلے کو بندوق کی طرح لہرایا تھا۔

یہ بھی پڑھیں: چھکے کیلئے 6 اور صفر کیلئے 0 استعمال ہوتا ہے؛ حارث رؤف کا آئی سی سی میں مؤقف

دوسری جانب آئی سی سی نے بھارتی کپتان سوریاکمار یادیو کو بھی ضابطہ اخلاق کی خلاف ورزی کا مرتکب قرار دے کر میچ فیس کا تیس فیصد جرمانہ عائد کیا ہے۔

یاد رہے کہ بھارتی کپتان نے آئی سی سی کوڈ آف کنڈکٹ کی خلاف ورزی کی ہے جب کہ بھارتی پر پر الزام ہے کہ انہوں نے سیاسی نوعیت کے بیانات دیے ہیں۔

واضح رہے کہ پی سی بی نے سوریاکمار کے ریمارکس پر باضابطہ شکایت درج کرائی تھی، میچ ریفری رچی رچرڈسن نے ان کے خلاف فیصلہ سنایا ہے جب کہ بھارت نے اس فیصلے کے خلاف اپیل دائر کردی ہے۔