دوسرا ٹیسٹ؛ پاکستان کا پراعتماد آغاز، کھانے کے وقفے تک ایک وکٹ پر 95 رنز بنا لیے

ویب ڈیسک

20th Oct, 2025. 10:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دوسرا ٹیسٹ؛ پاکستان کا پراعتماد آغاز، کھانے کے وقفے تک ایک وکٹ پر 95 رنز بنا لیے

پاکستان کرکٹ ٹیم نے جنوبی افریقہ کے خلاف دوسرے ٹیسٹ میچ کے پہلے دن کھانے کے وقفے تک ایک وکٹ کے نقصان پر 95 رنز بنا لیے۔

کپتان شان مسعود 38 اور عبداللہ شفیق 37 رنز کے ساتھ کریز پر موجود ہیں۔

پاکستان کی واحد وکٹ امام الحق کی گری، جو 17 رنز بنا کر سمن ہارمر کی گیند پر بولڈ ہو گئے۔ قومی ٹیم کی پہلی وکٹ 51 کے مجموعی اسکور پر گری۔

ٹاس کے موقع پر گفتگو کرتے ہوئے قومی ٹیم کے کپتان شان مسعود نے بتایا کہ ٹیم میں ایک تبدیلی کی گئی ہے، آصف آفریدی کو ٹیم میں شامل کیا گیا ہے جبکہ حسن علی کو دوسرے میچ سے ڈراپ کیا گیا ہے۔

دوسری جانب جنوبی افریقہ کے کپتان ایڈن مارکرم کا کہنا تھا کہ اگر وہ ٹاس جیتتے تو بیٹنگ ہی کا انتخاب کرتے۔

ان کے مطابق ٹیم میں دو تبدیلیاں کی گئی ہیں، کیشو مہاراج اور مارکو ینسن کو ٹیم میں شامل کیا گیا ہے۔

آصف آفریدی کا ٹیسٹ ڈیبیو

اس موقع پر پاکستانی سپن بولر آصف آفریدی نے ٹیسٹ انٹرنیشنل کرکٹ میں اپنا ڈیبیو کیا، انہیں شاہین شاہ آفریدی نے ڈیبیو کیپ پیش کی۔

قومی ٹیم کے ساتھی کھلاڑیوں اور سپورٹ اسٹاف نے آصف آفریدی کو مبارکباد دی اور ان کے لیے نیک تمناؤں کا اظہار کیا۔