ون ڈے سیریز کے دوسرے میچ میں پاکستان کے 269 رنز کے جواب میں جنوبی افریقہ کی بیٹنگ جاری ہے۔

پروٹیز نے 10 اوورز میں بغیر کسی نقصان کے 65 رنز بنا لیے ہیں، لہان ڈری پروٹیریس 41 اور کوئنٹن ڈی کوک 23 رنز پر کریز پر موجود ہیں۔

فیصل آباد کے اقبال اسٹیڈیم میں ہونے والے اس میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 9 وکٹوں کے نقصان پر 269 رنز بنائے۔

فخر زمان بغیر کوئی رن بنائے آؤٹ ہوئے، صائم ایوب نے 53، بابر اعظم 11، محمد رضوان 4، اور حسین طلعت 10 رنز بنا کر پویلین لوٹ گئے۔

سلمان آغا سب سے نمایاں بیٹسمین تھے جنہوں نے 69 رنز کی اننگز کھیلی، جبکہ محمد نواز نے 59 رنز بنائے، فہیم اشرف 28 رنز بنا کر آؤٹ ہوئے۔

جنوبی افریقا کی جانب سے ناندرے برجر نے 4، نقابیومزی پیٹر نے 3 اور کوربن بوش نے 2 کھلاڑیوں کو آؤٹ کیا۔

پاکستان نے جنوبی افریقہ کے خلاف دوسرے ون ڈے میں ٹاس کر بیٹنگ کرنے کا فیصلہ کیا ہے۔

پاکستان کو سیریز میں ایک صفر کی برتری حاصل ہے جب کہ شاہین شاہ آفریدی کی زیر قیادت ٹیم پہلے میچ میں 2 وکٹوں سے کامیاب رہی تھی۔

کپتان شاہین شاہ آفریدی کے مطابق دوسرے میچ کے لیے ٹیم میں دو تبدیلیاں کی گئی ہیں۔

ابرار احمد اور حسن نواز کو آرام دیا گیا ہے جب کہ ان کی جگہ فہیم اشرف اور وسیم جونیئر کو پلیئنگ الیون میں شامل کیا گیا ہے۔

شاہین آفریدی نے میچ سے قبل گفتگو میں کہا کہ فیصل آباد کی وکٹ بیٹنگ کے لیے سازگار لگ رہی ہے، اس لیے بیٹنگ کا فیصلہ کیا گیا ہے۔ ٹیم کا ہدف بڑا اسکور بورڈ پر لگاکر بولرز کو دفاع کا بھرپور موقع دینا ہے۔

ٹاس کے موقع پر جنوبی افریقہ کے کپتان نے کہا کہ اگر وہ ٹاس جیتتے تو وہ بھی بیٹنگ کو ترجیح دیتے تاہم اب وہ جلد وکٹیں حاصل کرنے کی کوشش کریں گے تاکہ پاکستان کو دباؤ میں لایا جاسکے۔

سیریز کا تیسرا اور آخری ون ڈے چند روز بعد لاہور میں کھیلا جائے گا، جہاں دونوں ٹیمیں ممکنہ فیصلہ کن معرکے کے لیے میدان میں اتریں گی۔