پاکستان کرکٹ بورڈ کی مینجمنٹ کمیٹی کے چیئرمین ذکا اشرف کا کہنا ہے کہ میری دلی خواہش ہے ایشیا کپ کی ٹرافی پاکستان آئے۔

تفصیلات کے مطابق ایشیا کپ 2023 کے شیڈول اور ٹرافی کی تقریب رونمائی سے خطاب کرتے ہوئے  ذکا اشرف نے کہا کہ  پندرہ سال بعد پاکستان میں ایشیا کپ کا انعقاد ہوگا۔

انہوں نے  نیپال کو  پہلی بار ایشیا کپ میں کوالیفائی کرنے   افغانستان کو پاکستان میں پہلی بار کھیلنے پر مبارک باد  پیش کی۔

ذکا اشرف نے کہا کہ  ٹورنامنٹ کا آغاز ملتان سے ہورہا ہے۔پورے پاکستان میں کرکٹ کا جذبہ ہے لیکن ملتان کے لوگوں کا جذبہ مختلف ہے۔

ان کا مزید کہنا تھا کہ بطور میزبان ہمارے لیے سب ٹیمیں برابر ہیں لیکن دلی خواہش ہے کہ ٹرافی پاکستان آئے۔

ذکا اشرف نے کہا کہ ہماری بولنگ اور بیٹنگ مضبوط ہے، ٹاپ آرڈر آئی سی سی کے ٹاپ ٹین میں موجود ہیں۔

اس موقع پر  مشیر کھیل پنجاب وہاب ریاض کا کہنا تھا کہ  ایشیا کپ بڑے ٹورنامنٹس میں سے ایک ہے۔ بھارت انڈیا  کے خلاف پریشر ہوتا ہے،جو پریشر برداشت کرلیتا ہے وہ جیت جاتا ہے۔

سابق کرکٹر محمد حفیظ نے کہا کہ  پاکستان کرکٹ بورڈ کو ایشیا کپ پاکستان لانے کے لیے مبارک باد پیش کرتا ہوں۔ پاکستان کے پاس بابر اعظم،فخر زمان،شاہین آفریدی ،نسیم شاہ ،حارث رؤف دنیا کے بہترین کھلاڑی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں