بھارتی کپتان روہت شرما نے کرکٹ کو مزید دلچسپ بنانے کے  لیے نئی تجویز پیش کر دی۔

تفصیلات کے مطابق ایک حالیہ انٹرویو میں روہت شرما نے خواہش ظاہر کی  کہ کرکٹ میں دو نئے اصول شامل کیے جائیں۔

روہت شرما نے کہا کہ اگر کوئی کھلاڑی 80 یا 90 میٹر کا چھکا مارتا ہے تو اسے 8 رنز جبکہ 100 میٹر سے زیادہ کے لمبے چھکے پر 10 رنز ملنے چاہئیں۔

بھارتی ٹیم کے کپتان نے کہا کہ کھلاڑی کو اتنا دور چھکا مارنے کا کچھ تو فائدہ ہونا چاہیے ۔  باؤنڈری کے پاس یا دور چھکا مارنے سے صرف 6 رنز ہی ملتے ہیں۔

انہوں نے   کرس گیل اور کیرون پولارڈ کی مثالیں دیں جو کرکٹ میں 90 یا 100 میٹر سے لمبے چھکے مارنے کے لیے جانے جاتے ہیں لیکن  انہیں بھی باقی کھلاڑیوں کی طرح 6 رنز ہی ملتے ہیں۔

خیال رہے کہ آئی سی سی کے ریکارڈز میں سب سے لمبا چھکا مارنے کا ریکارڈ سابق  آسٹریلوی فاسٹ بولر بریٹ لی کے پاس ہے جنہوں نے ایک ٹیسٹ میچ میں 130  سے 135 میٹر کا چھکا لگایا تھا۔

روہت شرما بین الاقوامی کرکٹ کے تمام فارمیٹس میں سب سے زیادہ چھکے  مارنے والے کھلاڑیوں میں  کرس گیل کے بعد دوسرے نمبر پر ہیں۔

36 سالہ روہت شرما اپنے کیریئر میں 551 چھکے لگاکر کرس گیل کے 553 چھکوں  کے عالمی ریکارڈ سے صرف دو چھکوں کی دوری پر ہیں۔

پاکستان کے شاہد آفریدی 476 چھکوں کے ساتھ تیسرے ، نیوزی لینڈ کے برینڈن میک کلم 398 چھکوں کے ساتھ چوتھے اور نیوزی لینڈ کے ہی مارٹن گپٹل 383 چھکوں کے ساتھ پانچویں نمبر پر ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں