بھارت کے شہر احمد آباد  میں ایئرپورٹ پر پرائیویٹ جیٹ ٹریفک 30 فیصد  تک بڑھ  گیا۔

بھارتی میڈیا کی رپورٹ کے مطابق  آئی سی سی کرکٹ ورلڈ کپ میں پاک بھارت ٹاکرے کے باعث احمد آباد ایئرپورٹ پر پرائیویٹ جیٹ ٹریفک 30 فیصد بڑھ  گیا۔

سول ایوی ایشن ذرائع کا کہنا ہے کہ  پاکستان بھارت میچ کی وجہ سے احمد آباد میں چارٹرڈ فلائٹس کی سرگرمیوں میں زیادہ اضافہ ہوا۔ اکتوبر کے مہینے میں 650 نان شیڈولڈ چارٹرڈ ایئرکرافٹس کی آمدورفت متوقع ہے ۔

خیال رہے کہ احمد آباد میں پاکستان  اور بھارت  کے درمیان میچ 14 اکتوبر کو شیڈولڈ ہے۔

ورلڈ کپ کا پہلا میچ 5 اکتوبر کو انگلینڈ اور نیوزی لینڈ کے مابین کھیلا جائے گا۔

اہم سیاستدان ، بزنس ٹائیکون ، شوبز اور اسپورٹس سے تعلق رکھنے والی معروف شخصیات ان میچز کے لیے آئیں گی۔

معروف شخصیات چارٹرڈ ایئر کرافٹس سے احمد آباد پہنچیں گی۔

سول ایوی ایشن ذرائع کا کہنا ہے کہ  بھارتی کرکٹ بورڈ نے بھی پاک بھارت میچ کے لیے چارٹرڈ فلائٹس کی دستیابی کے بارے  میں پوچھا ہے ۔  پاک بھارت میچ سے ایک دن پہلے ،میچ کے روز اور میچ کے ایک دن بعد بزنس گروپس کی نان شیڈولڈ چارٹرڈ فلائٹس کے  لیے ڈیمانڈ ہے ۔

بالی ووڈ اسٹارز بھی چارٹرڈ فلائٹس کی بکنگ اور دستیابی کے لیے کوششیں کر رہے ہیں۔

احمد آباد ایئرپورٹ پر 43 ایئرکرافٹس کی پارکنگ کا انتظام موجود ہے۔ احمد آباد ایئرپورٹ پر روزانہ 250 ڈومیسٹک اور انٹرنیشنل فلائٹس شیڈولڈ ہیں۔

گجرات میں 2022 کے انتخابات کے دوران ایک روز میں احمد آباد ایئر پورٹ نے  79 چارٹر ایئرکرافٹس کو سنبھالا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں