آسٹریلیا  کے خلاف میچ سے قبل قومی ٹیم شدید مشکلات کا شکار ہوگئی۔

تفصیلات کے مطابق 20 اکتوبر کو آسٹریلیا کے خلاف میچ کی تیاری کے لیے  پاکستان ٹیم نے بنگلور میں پریکٹس سیشن میں حصہ لیا۔

آسٹریلیا کے خلاف اہم میچ سے قبل پاکستان ٹیم  کو بڑا دھچکا لگ گیا ہےاور  حتمی 11 رکنی ٹیم کے انتخاب میں بدستور پریشانی برقرار ہے۔

ذرائع کا کہنا ہے کہ  عبداللہ شفیق کی بخار کے باعث آسٹریلیا  کے خلاف میچ میں شرکت مشکوک ہے۔  عبداللہ شفیق ٹیم کے ہمراہ اسٹیڈیم میں موجود ہیں لیکن  ڈاکٹرز نے ٹریننگ کی اجازت  نہیں دی۔

ذرائع کے مطابق بخار سے چھٹکارہ پانے والے فاسٹ بولر شاہین شاہ آفریدی کی بھی میچ میں شرکت مشکوک ہے۔ شاہین شاہ آفریدی  نے بنگلور میں ہلکی ٹریننگ کی ، ان کی مکمل فٹنس بحال ہونے میں وقت درکار ہے۔

سلمان علی آغا بھی طبعیت خرابی کے باعث ٹریننگ میں حصہ نہ لے سکے جبکہ  زمان خان نے فلو سے چھٹکارہ پا لیا اور نیٹ میں ہلکی بولنگ شروع کردی۔

نائب کپتان شاداب خان کو بھی اگلے میچ میں ریسٹ  دیے جانے کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں