شاہین شاہ آفریدی نے  مچل اسٹارک کو پیچھے چھوڑتے ہوئے ون ڈے کرکٹ میں بڑا اعزاز  اپنے نام کرلیا۔

تفصیلات کے مطابق قومی کرکٹ ٹیم کے بولر شاہین شاہ آفریدی  ون ڈے کرکٹ میں تیز ترین 100 وکٹیں حاصل کرنے والے فاسٹ  بولر بن گئے۔

انہوں نے ورلڈکپ 2023 کے دوران بنگلادیش کے خلاف  میچ میں تنزید حسن کی وکٹ حاصل کرکے یہ کارنامہ انجام دیا۔

شاہین شاہ آفریدی نے 51 ون ڈے میچز میں 100 وکٹیں حاصل کیں جبکہ مچل اسٹارک نے یہ کارنامہ 52 میچز میں انجام دیا تھا۔

نیوزی لینڈ کے شین بونڈ  اور بنگلادیش کے مستفیض الرحمان نے 54،54 جبکہ آسٹریلیا کے بریٹ لی نے 55 میچز میں 100 وکٹیں مکمل کی تھیں۔

🚨 RECORD ALERT 🚨@iShaheenAfridi becomes the fastest pacer to 1️⃣0️⃣0️⃣ ODI wickets in his 51st game! 🦅#PAKvBAN | #CWC23 | #DattKePakistani pic.twitter.com/ergzociYeu

— Pakistan Cricket (@TheRealPCB) October 31, 2023

مجموعی طور پر شاہین آفریدی تیز ترین 100 وکٹیں لینے  والوں میں تیسرے نمبر پر ہیں۔

پہلے نمبر پر  نیپال کے لیگ اسپنر سندیپ لمیچانے ہیں جنہوں نے 42 میچز میں یہ کارنامہ انجام دیا جبکہ دوسرے نمبر افغانستان کے لیگ اسپنر راشد خان  ہیں جنہوں  نے 44 میچز میں 100 وکٹیں حاصل کیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں