ورلڈکپ 2023 میں پاکستان آج اپنا دوسرا اور آخری وارم اپ میچ آسٹریلیا  کے خلاف کھیلے گا۔

تفصیلات کے مطابق آج ورلڈکپ 2023 کے آخری 3 وارم اپ میچز کھیلے جائیں گے جبکہ ورلڈکپ کا باقاعدہ آغاز 5 اکتوبر سے ہوگا۔

پاکستان آج  آسٹریلیا کے خلاف وارم اپ میچ کے بعد 6 اکتوبر کو نیدرلینڈز کے خلاف میچ  سے  اپنی مہم کا  باقاعدہ آغاز کرے گا۔

اس کے علاوہ افغانستان اور سری لنکا  اور بھارت اور نیدرلینڈز کے مابین بھی وارم اپ میچز آج کھیلے جائیں گے۔

پاکستان اور آسٹریلیا کے درمیان میچ حیدرآباد  میں کھیلا جائے گا۔

تمام میچز پاکستانی وقت کے مطابق دوپہر ڈیڑھ بجے شروع ہوں گے۔

اس سے قبل اپنے پہلے وارم اپ میچ میں پاکستان کو نیوزی لینڈ کے ہاتھوں شکست ہوئی تھی۔

محمد رضوان  نے پاکستان کی نیوزی لینڈ کے خلاف وارم اَپ میچ میں ناقص کارکردگی پر موقف  میں کہا کہ کیویز کے خلاف وارم اَپ میچ میں کئی تبدیلیاں کی تھیں جس کی وجہ سے مثبت نتائج سامنے نہیں آئے ۔

انہوں نے کہا کہ بینچ پر بیٹھے لڑکوں کو موقع دیا گیا تاکہ ان کی کارکردگی کو جانچا جاسکے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں