آئی سی سی کرکٹ ورلڈکپ 2023 میں اپنے پہلے میچ سے قبل ہی بھارتی ٹیم کو بڑا دھچکا لگ گیا۔

تفصیلات کے مطابق ورلڈکپ کے آغاز سے قبل شاندار کارکردگی کا مظاہرہ کرنے والے بلے باز شبمان گل سے بھارتی ٹیم کو کافی امیدیں وابستہ ہیں تاہم وہ ڈینگی وائرس کا شکار ہوگئے ہیں۔

بھارتی میڈیا کی رپورٹ کے مطابق عالمی نمبر دو بلے باز شبمان گل  کا ڈینگی ٹیسٹ  مثبت آگیا ہے جس کے بعد ورلڈ کپ کے پہلے میچ میں ان کی شرکت مشکوک ہے ۔

ورلڈکپ 2023 میں بھارت  کا  پہلا میچ آسٹریلیا کے خلاف اتوار کو چنئی میں شیڈول ہے۔

دوسری جانب آسٹریلوی ٹیم کو بھی میچ کیلئے پلیئنگ الیون تیار کرنے میں دشواری کا سامنا ہے۔

میڈیا رپورٹ کے مطابق آسٹریلوی آل راؤنڈر مارکس اسٹوئنس مکمل طور پر فٹ نہیں ہوسکے ہیں اور اتوار کو بھارت کے خلاف پہلے میچ میں  ان کی شرکت مشکوک ہے۔

کوچ اینڈریو میکڈونلڈ کا کہنا ہے کہ مارکس اسٹوئنس کو ابھی پہلے میچ سے باہر نہیں کیا، اگلے دو روز فٹنس کے حوالے سے اہم ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں