قومی کرکٹ ٹیم کے کپتان بابر اعظم کی ورلڈکپ میں ناقص کارکردگی کی وجہ جاننے کے لیے شائقین کرکٹ بے تاب ہیں۔

ورلڈ کپ کے لیے بھارت میں موجود پاکستانی ٹیم کے کپتان بابر اعظم ورلڈکپ میں اب تک کوئی خاطر خواہ کارکردگی کا مظاہرہ نہیں کرسکےہیں۔

بھارتی میڈیا کی رپورٹ کے مطابق بابر اعظم نے بھارت کے مشہور ڈیزائنر کی انتہائی مہنگی شیروانی خریدی ہے۔ شیروانی خریدنے کی خبر کے بعد بھارتی میڈیا میں بابر اعظم کی شادی کی خبریں گردش کر رہی ہیں۔

ایسی صورتحال میں جب خود بابر اعظم اور ٹیم کی کارکردگی کو شدید تنقید کا نشانہ بنایا جارہا ہے اور ٹیم کے سیمی فائنل میں پہنچنے کے امکانات تقریباً معدوم ہوچکے ہیں۔

ایسے میں قومی کپتان بابر اعظم نے اپنے  لیے وقت نکال کر مشہور بھارتی ڈیزائنر سبیا ساچی کی بیش قیمت شیروانی خریدی ہے۔

میڈیا  رپورٹس کے مطابق بابر اعظم نے یہ شیروانی بنگلا دیش کے خلاف میچ سے قبل خریدی تھی اور اس کی قیمت 7 لاکھ بھارتی روپے (پاکستانی تقریباً 23 لاکھ  روپے سے زائد)  ہے۔

میڈیا رپورٹس میں یہ بھی کہا جارہا ہے کہ بابر اعظم نے ایک معروف جیولری کی دکان سے بیش قیمت زیورات بھی خریدے ہیں۔

واضح رہے کہ بھارتی ڈیزائنر سبیا ساچی اور مذکورہ جیولری کمپنی دولہا اور دلہن کے ملبوسات و زیورات کے لیے مشہور اور بالی ووڈ سلیبریٹیز کے پسندیدہ ڈیزائنر ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں