ورلڈکپ 2023 میں شکستوں کا انبار لیے قومی کپتان وطن واپس پہنچ گئے۔

تفصیلات کے مطابق  پاکستان کرکٹ ٹیم کے کپتان بابر اعظم نجی ایئرلائن کے ذریعے براستہ دبئی رات گئے لاہور ایئرپورٹ پہنچے۔

کپتان بابر اعظم کے ہمراہ کرکٹ بورڈ اور دیگر عملہ بھی موجود تھا۔

 قومی ٹیم کے کپتان بابر اعظم ورلڈکپ میں شرکت کرنے کے بعد لاہور پہنچے ہیں۔ بابر اعظم کی ایئرپورٹ آمد پر لوگوں کے ہجوم نے پاکستان زندہ باد کے نعرے لگائے ۔

ٹیم مینجر بھی کپتان کے ہمراہ لاہور ایئرپورٹ پہنچے۔ کھلاڑیوں اور مینجمنٹ اسٹاف کو ویلکم کرنے کے لیے ان کے اہل خانہ  ایئرپورٹ پر موجود تھے۔

وطن واپس پہنچنے پر سخت سیکیورٹی میں کھلاڑیوں کو ان کی گاڑیوں تک پہنچایا گیا جبکہ کُچھ مداحوں نے قومی ہیروز کے ساتھ سیلفیاں بھی لیں۔

ذرائع کا کہنا ہے کہ اتوار کی صبح کولکتہ سے دبئی روانہ ہونے والے اسکواڈ میں کپتان بابر اعظم، افتخار احمد، حارث رؤف اور دیگر شامل تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں