چیئرمین پی سی بی مینجمنٹ کمیٹی ذکاء اشرف کا کہنا ہے کہ بابر اعظم نمبر ون پلیئرہے، ملک کا نام روشن کررہا ہے۔

تفصیلات کے مطابق پاکستان کرکٹ بورڈ(پی سی بی) کی مینجمنٹ کمیٹی کے چیئرمین ذکاء اشرف نے راولپنڈی اسٹیڈیم میں قومی کرکٹ ٹیم کے ٹریننگ کیمپ کا دورہ کیا۔

نئی ٹیم مینجمنٹ پر بھی ذکاء اشرف نے مکمل اعتماد کا اظہار کیا ہے ۔ذکاء اشرف کی راولپنڈی اسٹیڈیم آمد پر راولپنڈی ایسو سی ایشن کے عہدیداران  نے ان کا استقبال کیا۔

ذکاء اشرف نے کپتان شان مسعود، ڈائریکٹر و ہیڈ کوچ محمد حفیظ اور چیف سلیکٹر وہاب ریاض سمیت کھلاڑیوں سے ملاقات کی۔

ذکاء اشرف نے قومی ٹیم  کے دورہ آسٹریلیا کے لیے نیک خواہشات کا اظہار کرتے ہوئے  کھلاڑیوں کا حوصلہ بلند کیا۔

چیئرمین پی سی بی مینجمنٹ کمیٹی نے کہا کہ  بابر اعظم نمبر ون پلیئر ہے جو بطور کھلاڑی ملک کا نام روشن کررہا ہے۔

ذکاء اشرف نے شاہین شاہ آفریدی کی تعریف کرتے ہوئے کہا کہ  شاہین نے ملک کے لیے جو کیا وہ کبھی نہیں بھولا جاسکتا۔ ہماری سپورٹ ہر وقت آپ کے ساتھ ہے، شاہین آپ ٹیم کا اہم حصہ  ہیں۔

ذکاء اشرف نے سابق کپتان سرفراز احمد کو ڈومیسٹ کرکٹ میں شاندار کارکردگی پیش کرنے پر شاباش دی۔

محمد حفیظ کا کہنا تھا کہ شاہین شاہ آفریدی ہمارا فخر ہے جبکہ  ڈومیسٹک کرکٹ میں سرفراز احمد نے شاندار کھیل پیش کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں