پاکستانی بیٹنگ لائن ایک بار پھر بری طرح ناکام ہوگئی۔

تفصیلات کے مطابق میلبرن میں کھیلے جارہے باکسنگ ڈے ٹیسٹ میں آسٹریلیا نے پاکستان کو 79 رنز  سے شکست دے دی۔

پاکستانی ٹیم 317 رنز کے ہدف کے تعاقب میں 237 رنز پر ڈھیر ہوگئی۔کپتان شان مسعود 60 اور آغا سلمان 50 رنز بناکر نمایاں رہے۔

Australia win the second Test by 79 runs.#AUSvPAK pic.twitter.com/nRYnHujU8W

Advertisement

— Pakistan Cricket (@TheRealPCB) December 29, 2023

بابر اعظم 41، محمد رضوان 35، سعود شکیل 24، امام الحق 12، عبداللہ شفیق 4 جبکہ عامر جمال، شاہین شاہ آفریدی اور میر حمزہ بغیر کوئی رن بنائے آؤٹ ہوئے۔

آسٹریلوی کپتان پیٹ کمنز نے 5 ، مچل اسٹارک نے 4 اور جوش ہیزل ووڈ نے ایک وکٹ حاصل کی۔

اس سے قبل آسٹریلوی ٹیم اپنی دوسری اننگز میں 262 رنز بناکر آؤٹ ہوگئی تھی ۔مچل مارش 96، ایلکس کیری 53 اور اسٹیو اسمتھ 50 رنز بناکر نمایاں رہےتھے۔

پاکستان کی جانب سے میر حمزہ  اور شاہین شاہ آفریدی نے 4،4 جبکہ عامر جمال نے 2 وکٹیں حاصل کی تھیں۔

یاد رہے کہ پاکستان نے ٹاس جیت کر آسٹریلیا کو پہلے بیٹنگ کرنے کی دعوت دی تھی۔

آسٹریلوی ٹیم نے پہلی اننگز میں مارنس لبوشین (63) کی نصف سنچری کی بدولت 318 رنز بنائے تھے۔ ان کے علاوہ عثمان خواجہ 42 اور مچل مارش 41 رنز بناکر نمایاں رہے تھے۔

پاکستان کی جانب سے عامر جمال نے 3، میر حمزہ  ،شاہین شاہ آفریدی اور حسن علی نے 2،2 جبکہ آغا سلمان نے ایک وکٹ حاصل کی تھی۔

پاکستان ٹیم اپنی پہلی اننگز میں 264 رنز بناکر آؤٹ ہوگئی تھی۔عبداللہ شفیق 62 اور کپتان شان مسعود 54 رنز بناکر نمایاں رہے تھے۔

آسٹریلیا کی جانب سے کپتان پیٹ کمنز نے 5 ، نیتھن لیون نے 4 اور جوش ہیزل ووڈ نے ایک حاصل کی تھی۔