آسٹریلیا کے جارح مزاج اوپننگ بلے باز ڈیوڈ وارنر نے ٹیسٹ کرکٹ کے ساتھ ہی ون ڈے فارمیٹ سے بھی ریٹائرمنٹ کا اعلان کردیا۔

تفصیلات کے مطابق  ڈیوڈ وارنر نے پریس کانفرنس کے دوران تصدیق کی ہے کہ وہ ٹیسٹ کرکٹ کے ساتھ ساتھ ون ڈے سے بھی ریٹائر ہو رہے ہیں۔

JUST IN: David Warner confirms his ODI retirement at Sydney press conference | @LouisDBCameron #AUSvPAKhttps://t.co/VQJgMZbC51

— cricket.com.au (@cricketcomau) January 1, 2024

تجربہ کار اوپنر اب جلد ہی ٹی ٹوئنٹی فارمیٹ میں فری لانس کے طور پر اپنے کیریئر کے آخری باب کا آغاز کریں گے۔

ان کا یہ اعلان ایسے وقت  میں سامنے آیا ہے جب انہوں نے خود نوجوان کرکٹرز کے لیے ٹیسٹ کرکٹ پر ٹی ٹوئنٹی لیگز کو ترجیح دینے کے بڑھتے ہوئے فتنے کے بارے میں انتباہ جاری کیا۔

اپنے آبائی شہر سڈنی میں اپنے کیریئر کا آخری ٹیسٹ  میچ کھیلنے سے قبل وارنر نے انکشاف کیا کہ نومبر 2023 میں آسٹریلیا کی بھارت کے خلاف ورلڈ کپ فائنل میں فتح  ان کا ون ڈے کیریئر کا آخری میچ تھا۔

37  سالہ کھلاڑی ون ڈے کرکٹ میں آسٹریلیا کی جانب سے  45.30 کی اوسط سے 6932 رنز بنا چکے ہیں۔ وہ آسٹریلیا کی جانب سے سب سے زیادہ ون ڈے رنز بنانے والوں میں چھٹے نمبر پر ہیں۔

Advertisement

David Warner bows out of ODI cricket a two-time World Cup winner and Australia's sixth-most prolific run scorer pic.twitter.com/LGn44T1UCL

— cricket.com.au (@cricketcomau) January 1, 2024

وہ 22 ون ڈے سنچریز کے ساتھ آسٹریلیا کی جانب سے سب سے زیادہ سنچریز اسکور کرنے والوں میں دوسرے نمبر پر ہیں۔ صرف رکی پونٹنگ نے ان سے زیادہ ون ڈے سنچریز اسکور کی ہیں۔

ڈیوڈ وارنر کا شمار دنیائے کرکٹ کے ان پانچ خوش قسمت ترین کھلاڑیوں میں  ہوتا ہے جنہیں دو بار آئی سی سی ورلڈکپ، ٹی ٹوئنٹی ورلڈکپ اور آئی سی سی ورلڈ ٹیسٹ چیمپئن شپ جیتنے کا اعزاز حاصل ہے۔