مائیکل وان اور ہرشا بھوگلے صائم ایوب سے متاثر، مستقبل کا سپر اسٹار قرار دے دیا

ویب ڈیسک

05th Jan, 2024. 12:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مائیکل وان اور ہرشا بھوگلے صائم ایوب سے متاثر، مستقبل کا سپر اسٹار قرار دے دیا

پاکستان کے ابھرتے ہوئے نوجوان اوپننگ بلے باز صائم ایوب ڈیبیو ٹیسٹ میچ میں ہی مستقبل کے سپر اسٹار قرار دے دیے گئے۔

تفصیلات کے مطابق آسٹریلیا کے سڈنی ٹیسٹ میں ڈیبیو کرنے والے صائم ایوب پہلی اننگز میں صفر پر آؤٹ ہوئے اور دوسری اننگز میں بھی زیادہ رنز نہ بناسکے۔

تاہم انہوں نے مچل اسٹارک، پیٹ کمنز، جوش ہیزل ووڈ اور نیتھن لیون جیسے خطرناک بولرز کے خلاف ان کی ہی سرزمین پر دلیرانہ انداز میں مختصر بیٹنگ کرکے بھی خوب پذیرائی حاصل کی۔

انگلینڈ کے سابق کپتان مائیکل وان نے سماجی رابطے کی ویب سائٹ ایکس (سابقہ ٹوئیٹر) پر جاری اپنے بیان میں صائم ایوب کو مستقبل کا سپر اسٹار قرار دے دیا۔

بھارتی کمنٹیٹر اور ہوسٹ ہرشا بھوگلے نے بھی سماجی رابطے کی ویب سائٹ ایکس (سابقہ ٹوئیٹر) پر جاری اپنے بیان میں کہا کہ صائم ایوب کو دیکھ کر واقعی مزہ آرہا ہے، اس کے بارے میں کچھ کہیں۔

واضح رہے کہ صائم ایوب نے 53 گیندوں پر ایک چھکے اور تین چوکوں کی مدد سے 33 رنز بنائے ۔