دوسرا ٹیسٹ: پی سی بی نے طلباء کیلئے بڑا اعلان کردیا

ویب ڈیسک

27th Aug, 2024. 04:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دوسرا ٹیسٹ: پی سی بی نے طلباء کیلئے بڑا اعلان کردیا

پاکستان کرکٹ بورڈ (پی سی بی) نے بنگلادیش کیخلاف دوسرے ٹیسٹ میچ میں طلباء کا داخلہ مفت کردیا ہے۔

پاکستان کرکٹ بورڈ (پی سی بی) کی جانب سے جاری کردہ اعلامیے میں کہا گیا ہے کہ اسٹیڈیم میں داخلے کے لیے طلباء کو یونیفارم لازمی پہننا ہوگا جبکہ تعلیمی ادارے کا کارڈ ہونا بھی لازمی شرط ہے۔

طلباء کا کسی بھی وی آئی پی انکلوژرز (عمران خان اور جاوید میانداد) میں داخلہ سیٹوں کی دستیابی سے مشروط ہوگا جبکہ وہ پریمیم انکلوژرز (میراں بخش، شعیب اختر، سہیل تنویر اور یاسر عرفات) صرف یونیفارم اور اسکول یا کالج کے کارڈ پر میچ دیکھ سکیں گے۔

پی سی بی کی جانب سے کہا گیا ہے کہ طلباء کے لیے مفت داخلے کی پالیسی کا اطلاق پی سی بی گیلری یا پلاٹینم باکس میں نہیں ہوگا۔

یہاں یہ بات قابل ذکر ہے کہ پہلے ٹیسٹ کی طرح دوسرے میچ میں بھی شائقین کے لیے مفت شٹل سروس کی سہولت بحال رہے گی۔

یاد رہے کہ راولپنڈی میں کھیلے گئے پہلے ٹیسٹ میچ کے دوران آخری دو روز کے لیے فینز کا داخلہ مفت کردیا گیا تھا۔