دوسرا ٹیسٹ: پاکستانی بیٹرز پھر ناکام، بنگلادیش کو جیت کیلئے 185 رنز کا ہدف

ویب ڈیسک

02nd Sep, 2024. 02:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دوسرا ٹیسٹ: پاکستانی بیٹرز پھر ناکام، بنگلادیش کو جیت کیلئے 185 رنز کا ہدف

دوسرے ٹیسٹ میچ کی دوسری اننگز میں پاکستانی بیٹرز بڑا مجموعہ بنانے میں ناکام ہوگئے۔

تفصیلات کے مطابق پاکستان ٹیم دوسری اننگز میں 172 رنز پر ڈھیر ہوگئی۔ سلمان علی آغا 47 رنز بناکر ناقابل شکست رہے۔

محمد رضوان 43، کپتان شان مسعود 28 اور صائم ایوب 20 رنز بناسکے۔

بابر اعظم 11، میر حمزہ 4، عبداللہ شفیق 3، سعود شکیل اور ابرار احمد 2،2 جبکہ خرم شہزاد اور محمد علی بغیر کوئی رن بنائے آؤٹ ہوئے۔

بنگلادیش کی جانب سے حسن محمود نے 5، ناہید رانا نے 4 اور تسکین احمد نے ایک وکٹ حاصل کی۔

اس سے قبل بنگلادیشی ٹیم اپنی پہلی اننگز میں 262 رنز بناکر آؤٹ ہوئی تھی۔ لٹن داس نے 138 اور مہدی حسن میراز نے 78 رنز کی شاندار اننگز کھیلی تھیں۔

پاکستان کی جانب سے خرم شہزاد نے 6 جبکہ میر حمزہ اور سلمان علی آغا نے 2،2 وکٹیں حاصل کی تھیں۔

یاد رہے کہ بنگلادیش نے ٹاس جیت کر پاکستان کو پہلے بیٹنگ کرنے کی دعوت دی تھی تو پاکستان ٹیم اپنی پہلی اننگز میں 274 رنز بناکر آؤٹ ہوگئی تھی۔

صائم ایوب 58، کپتان شان مسعود 57 اور سلمان علی آغا 54 رنز بناکر نمایاں رہے تھے۔

بنگلادیش کی جانب سے مہدی حسن میراز نے 5، تسکین احمد نے 3 جبکہ ناہید رانا اور شکیب الحسن نے ایک ایک وکٹ حاصل کی تھی۔