یہ نہیں ہوسکتا کہ ہم بھارت جا کر کھیلیں اور وہ یہاں نہ کھیلیں، چیئرمین پی سی بی

ویب ڈیسک

28th Nov, 2024. 10:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یہ نہیں ہوسکتا کہ ہم بھارت جا کر کھیلیں اور وہ یہاں نہ کھیلیں، چیئرمین پی سی بی

چیئرمین پی سی بی محسن نقوی کا کہنا ہے کہ یہ نہیں ہوسکتا کہ ہم بھارت جا کر کھیلیں اور وہ یہاں آ کر نہ کھیلیں۔

لاہور کے قذافی اسٹیڈیم میں میڈیا سے گفتگو کرتے ہوئے چیئرمین پی سی بی محسن نقوی نے کہا کہ امید ہے آئی سی سی چیمپئنز ٹرافی پاکستان میں ہوگی۔

محسن نقوی نے کہا کہ آئی سی سی کی میٹنگ میں پاکستان کے لیے بہترین چیز لے کر نکلیں گے۔ ہم کچھ ایسا ہر گز نہیں کریں گے کہ پیسہ لے کر بات مان جائیں۔

انہوں نے کہا کہ ہمارا مسلسل آئی سی سی کے ساتھ رابطہ ہے اور میں آئی سی سی چیئرمین کے ساتھ رابطے میں ہوں۔ پرامید ہوں کہ قوم کو مایوس نہیں کریں گے، میرا وعدہ ہے کہ پاکستان کے لیے بہتر کریں گے۔ جو بھی فیصلہ ہوگا ہمیں حکومت کے پاس جانا ہوگا۔

چیئرمین پی سی بی نے کہ پانچ دسمبر کو جے شاہ آئی سی سی کا چارج لے رہے ہیں، امید ہے وہ کرکٹ کی بہتری کے لیے کام کریں گے۔ بھارت آکر دیکھ لے پاکستان میں تمام معاملات بہترین ہیں۔کرکٹ میں تمام فیصلے برابری کی بنیاد پر ہوں گے۔

محسن نقوی نے مزید کہا کہ دس اکتوبر کو تعمیراتی کام شروع ہوا تھا۔ بڑی امید ہے کہ دسمبر کی 20 سے 25 تاریخ تک تعمیری کام مکمل کرلیں گے جس سے اسٹیڈیم میں شائقین کی تعداد 34 ہزار سے 40 ہزار تک ہو جائے گی۔

انہوں نے کہا کہ پنڈی کے اسٹیڈیم پر اگر ایک ڈیڑھ ماہ ذائع نہ کرتے تو نیا اسٹیڈیم بنا سکتے تھے۔