پاکستان کرکٹ ٹیم نے زمبابوے کو تیسرے ون ڈے میں 99 رنز سے شکست دے کر سیریز اپنے نام کرلی ہے۔

پاکستان اور زمبابوے کی ٹیموں کے درمیان تین ون ڈے میچز پر مشتمل سیریز کھیلی گئی جس میں پاکستان نے 2-1 سے سیریز اپنے نام کرلی ہے۔

پاکستان کی اننگز

تیسرے ون ڈے میں پاکستان نے ٹاس جیت کر بیٹنگ کا فیصلہ کیا اور مقررہ 50 اوورز میں 6 وکٹوں کے نقصان پر 303 رنز بنائے۔

پاکستان کی جانب سے کامران غلام 103 اور عبداللہ شفیق 50 رنز بناکر نمایاں رہے جب کہ کپتان محمد رضوان 37، صائم ایوب 31، سلمان آغا 30 اور عرفان خان نیازی 3 رنز بناکر آؤٹ ہوئے۔

طیب طاہر 29 اور عامر جمال 5 رنز کے ساتھ ناٹ آؤٹ رہے جب کہ زمبابوے کی جانب سے سکندر رضا اور رچرڈ نگاراو نے 2،2 کھلاڑیوں کو آؤٹ کیا، فراز اکرم  اور بلیسنگ مزارابانی نے ایک ایک وکٹ حاصل کی۔

زمبابوے کی اننگز

ہدف کے تعاقب میں زمبابوے کی پوری ٹیم 41 ویں اوورز میں 204 رنز پر ڈھیر ہوگئی، کریگ ایروین 51 اور برین بیننٹ 37 رنز بناکر نمایاں رہے جب کہ تاڈیواناشے اور سین ولیمز نے 24 ، 24 رنز بنائے۔

پاکستان کی جانب سے سلمان آغا اور ابرار احمد نے 2 ،2 کھلاڑیوں کو آؤٹ کیا۔ حارث رؤف اور عامر جمال نے بھی 2 ،2 وکٹیں حاصل کیں۔ فیصل اکرام اور کامران غلام کے حصے میں ایک ایک وکٹ آئی۔

واضح رہےکہ پہلا میچ زمبابوے ڈک ورتھ لوئس میتھڈ کے تحت جیتا تھا جب کہ دوسرے میچ میں پاکستان نے زمبابوے کو باآسانی شکست دی تھی۔