جب جدید اور بہترین گاڑیوں کی بات ہو تو سب سے  پہلے ٹویوٹا  کمپنی کا نام ہی ذہن میں آتا ہے ۔

  جاپانی کمپنی ٹویوٹا نے2020 اولیمپک میں  برقی  قوت سے چلنے والی خودکار شٹل سروس متعارف کرانے کا اعلان کیا ہے ۔

کمپنی کی جانب سے  شٹل کی تصویراور نام  ظاہر کردیا گیا ہے۔ شٹل کا نام اے پی ایم رکھا گیا ہے۔

  شٹل میں  5 افراد کے بیٹھنے کی گنجائش  ہے اورایک وہیل چئیر کو دوسری نشستوں کے ساتھ  ایڈجسٹ کیا جاسکتا ہے ۔

کمپنی کے مطابق اے پی ایم مختصر فاصلے تک کم  رفتار سے چلنے والیخودکار گاڑی ہے۔جو 2020 میں جاپان کے شہر ٹوکیو میں منعقد ہونے والے اولمپکس اور  پیرالمپکس کھیلوں  کے دوران کھلاڑیوں اور عملے کے افراد کی نقل وحرکت کے لئیے استعمال کی جائے گی ۔

  اولمپکس کے دوران 200 اے پی ایم گاڑیاں استعمال کی جائیں گی جو مختلف جگہوں  پر منعقد ہونے والے کھیل کے مقابلوں کے میدانوں تک کھلاڑی اور افراد کی نقل و حمل کو آسان بنائیں  گی۔

     شٹل بنانے والےافراد نے اب تک خودکار شٹل کی بیٹری کا حجم ظاہر نہیں کیا ہے تاہم اندازہ ہے کہ 100 کلو میٹر کے فاصلے  تک   19 کلو میٹر فی گھنٹہ کی رفتار سفرکرسکےگی ۔

جبکہ کمپنی کی جانب سے2020 اولمپکس تک  مز ید ایجادات  کی بھی امید ظاہر کی جارہی جن میں  اڑنے والی گاڑی اور روبوٹس شامل ہونگے جو اولیمپک مشعل کو روشن کرنے اورمہمانوں کےکھانے پینےکی اشیا کی فراہمی میں مدد دیں گے۔