وفاقی وزیر برائے سائنس و ٹیکنالوجی نے کہا  ہےکہ ہم جہلم میں بائیو ٹیکنالوجی اقتصادی زون قائم کرنے جارہے ہیں جو جنوبی ایشیا کا سب سے بڑا اقتصادی زون ہوگا۔

سرکاری ریڈیو کے خبروں اور حالات حاضرہ کے چینل کے ساتھ ایک انٹرویو میں نیشنل سائنس و ٹیکنالوجی پارک  کے حوالے سے گفتگو کرتے ہوئے فواد  چوہدری نے کہا ہے کہ نیشنل سائنس و ٹیکنالوجی پارک ٹیکنالوجی سے متعلق پہلا خصوصی اقتصادی زون ہے۔

انہوں نے کہا کہ نیشنل سائنس و ٹیکنالوجی پارک  ماہرین تعلیم، محققین اور تاجروں کو اکٹھا کرے گا تاکہ وہ اپنے تجربات اور خیالات کا تبادلہ کرسکیں۔

وفاقی وزیر نے کہا کہ حکومت آئندہ تین سال کے اندر آٹھ سے دس سائنس و ٹیکنالوجی اقتصادی زون قائم کرے گی۔

واضح رہے کہ وزیر اعظم عمران خان  نے آج ملک کے پہلے نیشنل سائنس اینڈ ٹیکنالوجی پارک کا افتتاح کردیا ہے۔

نسٹ یو نیورسٹی میں نیشنل سائنس اینڈ ٹیکنالوجی پارک  کی افتتاحی تقریب سے خطا ب کر تے ہوئے وزیر اعظم عمران خان کا کہنا  تھا کہ  بڑاوژن اپنی ذات سےنکل کرانسانیت  کے لیے کام کرنا ہوتاہے،بغیروژن کےکوئی کام نہیں ہوسکتا۔

وزیر اعظم نے کہا کہ کسی چیزکاجنون ہوتو16گھنٹےبھی کام کرسکتےہیں،انسان جوپہلےصرف تصورکرتاتھااس نےاس چیزکوکامیاب کرکےدکھایا۔

انہوں نے وفاقی وزیر سائنس و ٹیکنالوجی فواد چوہدری کی کارکردگی پر گفتگو کر تے ہوئے کہا کہ عوام نےسائنس وٹیکنالوجی میں فوادچوہدری کی پرفارمنس دیکھی ہے،لوگ کہتےتھےآپ نےفوادچوہدری کو وزیربنادیاہے،اچھےکپتان کوپتہ ہوتاہےکہ کس کوکس نمبرپرکھلاناہے۔