سوشل میڈیا کا ایک مقبول پلیٹ فارم ، انسٹاگرام محفوظ صارف ماحول پیدا کرنے میں فعال کردار ادا کررہا ہے۔

کمپنی نے حال ہی میں لائکس کو چھپانے کے فیصلے کا اعلان کیا تھا اور ایسی پوسٹس کی بڑھتی ہوئی تعداد کا حساب لیا ہے جو ‘ وزن میں کمی’ اور’ کاسمیٹک سرجری ‘ کو فروغ دیتے ہیں۔

سوشل میڈیا پلیٹ فارم تصویروں کے ساتھ پوسٹ کیے گئے گستاخانہ پیغامات سے نمٹنے کے لئے کیپشن انتباہی خصوصیت کا آغاز کر رہا ہے۔

اس طرح کے گستاخانہ پیغامات پبلش کرنے والوں کو ایک نوٹیفیکیشن موصول ہوگا جس میں کہا گیا ہے کہ ‘یہ عنوان دوسرے عنوانات کی طرح ہے جنہیں غیر مناسب قرار دیا گیا ہے۔ آپ اس پر نظر ثانی کریں۔

یہ خصوصیت کمپیوٹر پروگرام ہے لہذا کسی بھی نامناسب ریمارکس جیسے کہ ’آپ بیوقوف ہیں‘ کو فوری طور پر پہچان لیا جاتا ہے۔

برطانیہ کے چیریٹی سائبرسمائل کے شریک بانی ڈین ریس بیک نے کہا کہ اس اقدام کو سب سوشل میڈیا صارفین نے سراہا ہے ، “ہم سب کو اپنے الفاظ کے اثرات پر غور کرنا چاہئے ، خاص طور پر آن لائن جہاں تبصروں کی آسانی سے غلط تشریح کی جاسکتی ہے۔”

ریسبیک نے کہا ، “انسٹاگرام کے تبصرے اور کیپشن وارننگ جیسے ٹولز کسی چیز کو پوسٹ کرنے سے پہلے اس رویے کی حوصلہ افزائی کرنے کا ایک مفید طریقہ ہے ، بجائے  س کے آپ کے کمنٹ سے دوسروں کو تبصرہ کرنے کا موقع ملے اور آپ کو انسٹا گرام کی جانب سے نوٹیفیکیشن موصول ہو کہ آپ کا کمنٹ نامناسب ہے”

واضح رہے کہ ا نسٹاگرام کو واچ ڈاگ اور کم عمر بچوں کے والدین کی بڑھتی ہوئی تنقید کا سامنا کرنا پڑا ہے جو آن لائن بدمعاشی کا نشانہ بنے ہیں۔

یاد رہے کہ رواں برس مئی میں ، ایک 16 سالہ ملائیشین لڑکی نے اپنے سوشل میڈیا اکاؤنٹ پر ایک رائے شماری کرنے کے بعد اپنی جان لے لی تھی۔ جس میں اس لڑکی نے پول کے ذریعے اپنے فالورز سے پوچھا کہ اسے خود کشی کرنی چاہیے کہ نہیں، تو 70 فیصد نتائج ہاں میں آئے۔ جس پر اس لڑکی نےخود کشی کر لی تھی۔