سام سنگ  نے مصنوعی انسان تیار کر لیے ہیں۔

تفصیلات کے مطابق سام سنگ کی پراسرار کمپنی سام سنگ ٹیکنالوجی اینڈ ایڈوانسڈ ریسرچ لیبز نے لاس ویگاس میں جاری کنزیومر الیکٹرونکس شو کے موقع پراس ٹیکنالوجی کو پیش کیا جسے نیون کا نام دیا گیا ہے۔

شو میں ہیش کیے جانے والے مصنوعی انسان ہوبہو حقیقی انسانوں کی طرح بات کرتے ہیں، تاثرات کا اظہار کرتے ہیں اور پوچھے گئے سوال کا سیکنڈوں میں جواب دیتے ہیں۔

کمپنی کے مطابق نیون میں ایسے گرافک اواتار جو دیکھنے اور حرکت میں حقیقی انسانوں جیسے نظر آتے ہیں اور یہ اسمارٹ اسسٹنٹس، روبوٹس، سروگیتس یا انسانوں کی نقل نہیں، جو موسم کا حال نہیں بتاسکتے اور نہ یہ بتاسکتے ہیں کہ ابراہام لنکن کا انتقال کب ہوا۔

ان ڈجیٹل کرداروں کو سام سنگ کی ذیلی کمپنی اسٹار لیب نے بنایا ہے جو بہت جلد چیٹ بوٹ اور ورچول اسسٹنٹ کی جگہ استعمال ہوسکیں گے تاہم اب بھی سام سنگ کا اصرار ہے کہ انہیں ’مصنوعی انسان‘ یا آرٹیفیشل ہیومن قرار دیا جائے۔

خیال رہے کہ نیون کردار خبریں پڑھ سکتے ہیں، آپ سے بات کرتے ہیں، ترجمان کا کردار ادا کرسکتے ہیں اور فلمی اداکاروں کی جگہ بھی لے سکتے ہیں،اس کے علاوہ اگر آپ چاہیں تو انہیں اپنی تنہائی کا ساتھی اور دوست بھی بناسکتے ہیں۔

سام سنگ نے نئے فولڈ ایبل گلیکسی اسمارٹ فون کا اعلان کردیا

کمپنی کا کہنا ہے کہ اگرچہ ان کے لیے حقیقی انسانوں کی عادات کو لیا گیا جبکہ دیکھنے اور سننے میں بھی انسانوں کی طرح ہیں مگر وہ اس وقت موجود انسانوں کی نقل نہیں بلکہ ہر نیون اپنی جگہ منفرد شخصیت کا حامل ہے۔

اس ٹیکنالوجی کے حوالے سے خدشات ظاہر کیے گئے ہیں کہ ان کو ڈیپ فیکس یا حقیقی انسانوں کی شخصیت کو متاثر کرنے والی ویڈیوز کی تیاری کے لیے استعمال کیا جاسکتا ہے۔

واضح رہے کمپنی کا کہنا ہے کہ اگرچہ یہ اواتار کسی حقیقی انسان جیسے ہیں مگر اس کے پیچھے موجود ٹیکنالوجی ڈیپ فیک یا چہرے سے مماثلت رکھنے والی تینیک سے مختلف ہے۔