فیس بک نے نیا فیچر شاپس کے نام سے متعارف کرادیا ہے۔

تفصیلات کے مطابق فیس بک نے ایک ایسا فیچر متعارف کروایا ہے کہ جس کے ذریعے تمام پاکستانی آسانی سے پیسے کما سکتے ہیں۔

یاد رہے کہ اس فیچر کے ذریعے کاروباری ادارے فیس بک اور انسٹاگرام پر مفت اسٹور فرنٹس تشکیل دے سکتے ہیں۔

فیس بک کے اس فیچر سے اشتہارات میں مزید بہتری آئے گی۔

اس فیچر کے حوالے سے مارک زکربرگ نے کہا کہ ای کامرس کو توسیع دینا کورونا وائرس کی وبا دوران معیشت کی دوبارہ تعمیر کے لیے بہت ضروری ہے۔

زکربرگ نے کہا کہ ‘اگر آپ دکان یا ریسٹورنٹ کو کھول نہیں سکتے، تو بھی آن لائن آرڈرز لے کر سامان لوگوں تک پہنچاسکتے ہہیں۔

یہ سہولت اٰس وقت متعارف کروائی گئی جب تمام لوگوں کو گھروں میں رہنے کا مشورہ دیا تاکہ کورونا سے محفوظ رہا جا سکے۔

لاک ڈاون کی وجہ سے لوگ اپنے اپنے گھروں تک محدود ہے اور غیر ضروری طور پر باہر نہیں جا رہے تاکہ عالمی وبا کورونا سے خود کو اور لوگوں کو محفوظ رکھ سکے۔

دوسری جانب کاروباری ادارے اپنی دکانوں کے لیے اشتہارات خرید سکیں گے اور جب لوگ فیس بک چیک پوائنٹ آپشن کو استعمال کریں گے تو ان سے فیس لی جائے گی۔

جبکہ کچھ کاروباری ادارے براہ راست فیس بک پر اشیا فروخت کرسکیں گے جبکہ دیگر کو اس کے لیے ایک بزنس ویب سائٹ بنانا ہوگی

کمپنی کی جانب سے 2016 سے ای کامرس فیچرز پر کام کیا جارہا ہے، پہلے مارکیٹ پلیس کو متعارف کرایا گیا جس کا مقصد ایپ کے اندر اشیا کی خرید و فروخت میں مدد دینا تھا۔

واضح رہے کہ شاپس فیچر منگل سے امریکا میں متعارف کرایا جارہا ہے اور رواں سال دیگر ممالک میں بھی متعارف کروایا جائے گا۔