پاکستانیوں کے لیے بڑی خوشخبری، اسلام آباد  کی  نسٹ یونیورسٹی نے کورونا کی تشخیص کی ڈائیگناسٹک کٹس تیار کر لیں۔

وفاقی وزیر برائے سائنس و ٹیکنالوجی فواد  چوہدری نے سماجی رابطے کی ویب سائٹ ٹوئیٹر پر جاری پیغام میں کہا کہ ہم نے ایک اور سنگ میل عبور کرلیا۔ڈریپ نے پاکستان کی پہلی کورونا وائرس ڈائیگناسٹک کٹس کی منظوری دے دی۔

وفاقی وزیر برائے سائنس و ٹیکنالوجی نے کہا کہ  ہمارے سائنسدانوں نے ہمارا سر فخر سے بلند کر دیا  ہے۔ان کٹس سے کورونا ٹیسٹ پر اخراجات میں نمایاں کمی ہوگی۔کٹس سے ملکی امپورٹ بل کو بھی  بڑی حد تک بچایا جا سکے گا۔

فواد چوہدری نے کہا کہ  یہ کٹس باہر سے منگوائی جانے والی کٹس کی نسبت کم پیسوں میں بہت جلد دستیاب ہوں گی۔

Advertisement

Another landmark achieved…. DRAP has approved Pakistan first COVID testing kit, Congratulations to @Official_NUST and our brilliant scientists …you people have made us proud … this ll bring significant cost reduction of COVID tests also ll save huge import bill

— Ch Fawad Hussain (@fawadchaudhry) June 12, 2020

وزارت سائنس کے ترجمان نے بتایا کہ کٹس تیار کرنے والی ٹیم میں نسٹ کے اسسٹنٹ پروفیسر ڈاکٹر علی ذوہیب، ڈاکٹر انیلہ جاوید ، اور اسکول آف اپلائیڈ بائیو سائنسز سے ڈاکٹر عطا الرحمان شامل تھے۔

انہوں نے مزید کہا کہ جلد ہی ڈریپ فارما سیوٹیکل کمپنیز کو کٹس کی کمرشل پروڈکشن کے  لیے منظوری دے گی۔فارما سیوٹیکل کمپنیز کی جانب سے کٹس کی بہت جلد بڑی تعداد میں پروڈکشن شروع ہو جائے گی۔