وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ حکومت روٹین کے آلو مٹر بیچ کر پاکستان کو ترقی نہیں دلا سکتی ہے۔
تفصیلات کے مطابق پریس کانفرنس کرتے ہوئے وفاقی وزیر فواد چوہدری نے کہا ہے کہ ٹیکنالوجی سے پاکستان کو ترقی دی جا سکتی ہے اورہم جب تک الیکٹرانک چیزیں نہیں بنائیں گے تب تک معاشی مسئلے حل نہیں ہونگے۔
وفاقی وزیر نے کہا ہے کہ ہمیں ایسے منصوبے لانے چاہئیں جن میں حکومت کو زیادہ پیسہ خرچ نہ کرنا پڑے اسی لئے پاکستانی جامعات کو مارکیٹ کے ساتھ منسلک کررہے ہیں۔
انہوں نے کہا ہے کہ ملک کو ترقی کی راہ پرگامزن کرنے کیلئے سائنس و ٹیکنالوجی سے استفادہ ضروری ہے۔
ان کا کہنا تھا کہ ملک میں پہلی بار الیکٹرک وہیکل پالیسی متعارف کرائی گئی ہے اور الیکٹریکل بسوں کی تیاری بھی پاکستان میں ہو گی جس کے بعد کراچی، لاہور اور اسلام آباد کی پبلک ٹرانسپورٹ الیکٹرک ٹیکنالوجی پر منتقل کریں گے۔
Advertisement
فواد چوہدری نے کہا ہے کہ آئندہ 6ماہ میں موٹرویز پر الیکٹرک گاڑیوں کی چارجنگ کی سہولت دستیاب ہو گی جبکہ تین سال میں الیکٹرک وہیکل کے شعبے میں 2سے4ارب ڈالر کی سرمایہ کاری متوقع ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
