پاکستان میں خودکار ڈرائیونگ سسٹم کی حامل گاڑیوں کی جانچ کا عمل شروع

ویب ڈیسک

29th Apr, 2021. 02:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں خودکار ڈرائیونگ سسٹم کی حامل گاڑیوں کی جانچ کا عمل شروع

چینی آٹو موبائل مینوفیکچرر نے اپنی خودکار ڈرائیونگ سسٹم کی حامل گاڑیوں کی پاکستانی سڑکوں پر جانچ کا عمل شروع کر دیا ہے۔

اس ضمن میں کمپنی کے سی سی ای او دانیال ملک نے بتایا کہ یہ کمپنی چین میں بہترین ٹیکنالوجی اور فیچرز متعارف کرانے کے حوالے سے سرفہرست ہے۔

انہوں نے بتایا کہ ہم خودکار طریقے سے سڑک پر چلنے والی گاڑیوں کی ٹیسٹ ڈرائیو کا عمل شروع کر رہے ہیں۔

دانیال ملک نے بتایا کہ کمپنی کا عزم ہے فیوچر، فارورڈ، فارایور یعنی مستقبل، آگے اور ہمیشہ اس کی بنیاد پر ہم ایسی ٹیکنالوجی کو پاکستان لانے کا سوچ رہے ہیں۔

دانیال ملک نے کہا کہ لوگ کسی پراڈکٹ کو اس لیے نہیں خریدتے کہ آپ اسے بیچ رہے ہیں بلکہ اس لیے خریدتے ہیں کہ آپ اسے کیوں بیچ رہے ہیں۔ ہمیں اپنی نقل وحمل میں جدت لانا ہے اور اس کا بہترین طریقہ نئی ٹیکنالوجی کو پاکستان لانا اور منوانا ہے۔