نوکیا کے مضبوط ترین اسمارٹ فون کے متعلق اطلاعات

نوکیا کے مضبوط ترین اسمارٹ فون کے متعلق اطلاعات سامنے آگئیں

عروبہ خان

16th Jul, 2021. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوکیا کے مضبوط ترین اسمارٹ فون کے متعلق اطلاعات سامنے آگئیں

ویسے تو نوکیا اپنے سخت جان فونز کے لئے مشہور ہے لیکن اب اسمارٹ فونز میں بھی کمپنی نے مضبوط ترین سیٹ کے حوالے سے بتادیا ہے۔

رپورٹس کے مطابق اس فون کو ایکس آر 20 کا نام دیئے جانے کا امکان ہے اور نوکیا کمیونٹی فورم میں اس کی تصویر کو قبل از وقت پوسٹ کردیا گیا۔

اس موبائل میں بیک کیمرا سیٹ اپ کا کٹ آوٌٹ چوکور ہے حالانکہ زیادہ نوکیا فونز میں یہ سیٹ اپ سرکولر دیا جارہا ہے تاہم اس نئے سیٹ اپ کی وجہ ممکنہ طور پر حادثاتی طور پر فون گرنے پر کیمروں کو تحفظ فراہم کرنا ہے اور ہاں فون میں بیک پر 2 کیمرے نظر آرہے ہیں۔

اس فون کے حوالے سے جو لیکس اب تک سامنے آئی ہیں ان کے مطابق ایکس آر 20 میں 6.67 انچ کا فل ایچ ڈی پلس ڈسپلے دیا جائے گا جس میں 8 میگا پکسل سیلفی کیمرا بھی چھپا ہوگا۔

فون کی بیٹری 4630 ایم اے ایچ کی ہوگی جبکہ بیک کیمرا سیٹ اپ 48 میگا پکسل اور 13 میگا پکسل کیمروں پر مشتمل ہوگا۔

خیال رہے کہ یہ نوکیا کا پہلا سخت جان فون ہوگا جو 27 جولائی کو متعارف کرایا جائے گا، جس کی قیمت کے بارے میں ابھی کچھ ممکن نہیں ہے۔