آج کل اسمارٹ فون ہر ایک کی ضرورت ہے اور شاید ہر وقت کی ضرورت بھی ہے اسی لئے اسے ہر وقت چارج رکھنا بھی ضروری ہوگیا ہے۔

ہر وقت چارج رکھنے کے لئے کچھ لوگ اپنے ساتھ چارجر لے کر گھومتے ہیں اور کچھ لوگ پاور بینک کا استعمال کرتے ہیں ۔

لیکن اس کے باوجود بھی آپ کا موبائل جلدی اور پورا چارج نہیں ہوتا ہے تو ان چند ٹپس کو آزما کر دیکھیں، کیا ان میں سے کوئی آپ کے کام آجائے۔

1۔ چارجنگ سوکٹ کی صفائی :

اکثر اوقات ایسا ہوتا ہے کہ چارجنگ کے سوکٹ میں کچرا جمع ہوجاتا ہے جس کی وجہ سے چارجر کے کام کرنے کی صلاحیت بہت کم ہوجاتی ہے اور آپ کا موبائل دیر سے چارج ہوتا ہے۔

لٰہذا اسکی صفائی کے لئے کسی تیز دھار والی چیز کے بجائے کپڑے کا استعمال کریں تاکہ موبائل کا اندرونی حصہ خراب نا ہوسکے۔

2۔ وائر لیس چارجر کے استعمال سے گریز کریں:

وائر لیس چارجر یعنی بغیر تار والے چارجرز مارکیٹ میں دستیاب ہیں جو عام طور پر اسٹینڈ نما ہوتے ہیں جن پر موبائل رکھ کر چارج کیا جاتا ہے۔

یہ چارجر اتنے اچھے ثابت نہیں ہوتے کیونکہ ان سے نکلنے والی توانائی گرمی کی صورت ہر طرف نکل جاتی ہے جبکہ تار والے چارجرز میں توانائی براہِ راست موبائل میں داخل کی جاتی ہے اس لئے وہ جلدی چارج ہوتے ہیں۔

3۔ موبائل کو گرم نہ ہونے دیں:

موبائل فون تھرمل کنٹرول سسٹم رکھتے ہیں جو ان کا درجہ حرارت کو کنٹرول میں رکھتا ہے لیکن اسکا ایک نقصان یہ ہوتا ہے کہ اگر آپ نے فون کسی گرم جگہ پر رکھا ہے تو یہ سسٹم فون کا درجہ حرارت قابو کرنے میں مذید محنت کرے گا اور اس طرح چارج جلدی ختم ہوجائے گا اس لئے فون کو بہت زیادہ گرم جگہ یا دھوپ یں نا رکھیں۔

4۔ ایپلیکیشنز کو بند رکھیں:

کوشش کریں ہر ایپ کو استعمال کے بعد فوری بند کرنا اپنی عادت بنالیں تاکہ فون دیر تک چارج رہے۔

[amazonad categoryElectronics”]