آج کی تاریخ میں ہر چھوٹے سے بڑی عمر کا انسان اسمارٹ فون کے استعمال کا عادی ہوگیا ہے  اور کیوں نا ہو اس کا استعمال ہماری زندگی میں آسانیاں جو پیدا کرتا ہے۔

اسمارٹ فون میں بچوں کے لئے نت نئے گیمز کھیلنے اور ویڈیوز دیکھنے کی سہولت ہوتی ہے تو نوجوانوں کے لئے سوشل میڈیا براؤسنگ بے حد آسان ہوگئی ہے جبکہ بڑی عمر کے لوگ اسمارٹ فون کے ذریعے خبروں سے ہر وقت آگاہ رہتے ہیں۔

لیکن آپ اسمارٹ فون کے ان تمام فیچرز سے واقف ہیں جو واقعی آپ کے اسمارٹ فون استعمال کرنے کا انداز بدل دے گا۔

سیاہ بیک گراؤنڈ

اگر آپ اپنے اسکرین کے لئے سیاہ بیک گراؤنڈ منتخب کرتے ہیں تو پکسل ہائی لائٹ کا آپشن ازخود بند ہو جائے گا اور آپ کی بیٹری دیر تک چلے گی ۔

کتاب سنیں

ٹیکسٹ ٹو اسپیچ آپشن کے ذریعے آپ اپنے اینڈرائڈ فون پر کوئی بھی مضمون یا کتاب سن سکتے ہیں، کیوں کہ یہ آپشن ٹیکسٹ کو آواز میں بدل کر سناتا ہے۔ 

موبائل ڈیٹا مٹانا

اگر آپ کا فون چوری یا گُم ہو جاتا ہے تو آپ ایک ویب سائٹ کے ذریعے اس کا سارا ڈیٹا مٹا سکتے ہیں اور موبائل فون لاک کر سکتے ہیں۔

اس کے لئے آپ کو اپنے موبائل سے سیٹنگز پر جائیں، وہاں سے سیکیورٹی پر جا کر ڈیوائس منیجر کے آپشن میں سے اینڈرائڈ ڈیوائس منیجر کا انتخاب کریں، اور پھر ریموٹلی لوکیٹ دِس ڈیوائس سے allow remote lock and erase کے آپشن پر کلک کریں۔

 مہمان موڈ

اگر آپ اپنے دوست کو وقتی طور پر استعمال کے لئے اپنا اسمارٹ فون دینا چاہتے ہیں تو اس کے لیے مہمان موڈ کا بہترین آپشن استعمال کیا جا سکتا ہے۔

اس کے استعمال کے لئے فون کو دو انگلیوں سے سوائپ کریں اور یوزر آئکن کو ٹچ کریں جو اوپر سیدھی جانب موجود ہے، اب ایک گیسٹ آئکن سامنے آ جائے گا۔ یہاں آپ ان سہولیات اور آپشن پر کلک کر سکتے ہیں جنھیں دوسرا استعمال کر سکتا ہے ۔

میگنیفائر

اگر کسی کی نظر کم زور ہے تو اسکرین میگنیفائر کے آپشن سے آپ ٹیکسٹ اور دیگر اشیا کو اپنے اسکرین پر بڑا کر کے دیکھ سکتے ہیں اور فون کے کسی بھی حصے کو میگنیفائی کیا جا سکتا ہے۔

 اس کے لیے سیٹنگز کے آپشن پر جائیں پھر وہاں سے ایسیسبلٹی تک اور اس کے بعد میگنیفکیشن کا آپشن استعمال کریں۔

ہاٹ اسپاٹ

آپ کو مختلف ڈیوائسز چلانے کے لئے قیمتی موڈیم اور راؤٹر خریدنے کی ضرورت نہیں، آپ کا اسمارٹ فون ازخود وائی فائی ہاٹ اسپاٹ بن سکتا ہے۔

اس کے لئے سیٹنگز پر جائیں اور ٹیتھرنگ اینڈ پورٹیبل ہاٹ اسپاٹ پر جا کر پورٹیبل WLAN ہاٹ اسپاٹ آپشن پر چیک کریں۔

سر کی حرکت سے کنٹرول

اینڈرائڈ فون کو سر کی حرکت سے بھی کنٹرول کیا جا سکتا ہے، ایک فری ایپ فیشل eva فیشل ماؤس کے ذریعے اینڈرائڈ آلات کو بڑی آسانی سے سروں کی حرکت سے کنٹرول کیا جا سکتا ہے ۔

گیم

اینڈرائڈ 2.3 جنجر بریڈ میں ایک چھوٹا گیم چھپا ہے لیکن اسے ڈھونڈ نکالنا بہت مشکل ہوتا ہے، سیٹنگز میں جائیں اور اباؤٹ فون اور اباؤٹ ٹیبلٹ کے آپشن میں جائیں، اب اینڈرائڈ ورژن پر کئی بار ٹیپ کریں، اس کے ساتھ ہی ایک چھوٹی مارش میلو (نرم میٹھی سوغات) سامنے آ جائے گی، اس پر ٹیپ کرلیں اور ایک دل چسپ گیم آپ کے سامنے ہو گا۔