سام سنگ اپنی فلیگ شپ گلیکسی ایس 21 سیریز کا ایک نیا اور سستا اسمارٹ فون متعارف کرانے کے لئے تیار ہے۔
کمپنی کی جانب سے بھی اس فون کے آفیشل پوسٹرز کو جاری کیا جاچکا ہے اور اب ایک لیک میں یوزر مینوئل میں موجود تفصیلات سامنے آئی ہیں۔
لیکس کے مطابق فون میں فنگرپرنٹ سنسر ڈسپلے کے اندر نصب ہوگا جبکہ ڈسٹ اور واٹر ریزیزٹنس خصوصیات کا حامل بھی ہوگا۔
فون کا ڈیزائن گلیکسی ایس 21 سے ملتا جلتا ہوگا اور ریفریش ریٹ بھی وہی ہوگا۔
اس کے علاوہ وائرلیس ڈیکس اور سام سنگ پے کے ساتھ ساتھ ڈولبی ایٹموس ساؤنڈ جیسے فیچرز بھی فون کا حصہ ہوں گے۔
Advertisement
ڈیوائس میں اسنیپ ڈراگون 888 اور ایکسینوس 2100 پراسیسرز (مخصوص مارکیٹس میں) دیئے جانے کا امکان ہے جبکہ 6 سے 8 جی بی ریم اور 128 سے 256 جی بی اسٹوریج کے آپشن ہوں گے۔
اسٹوریج میں اضافے کے لیے مائیکرو ایس ڈی کارڈ سپورٹ بھی دی جائے گی۔
4500 ایم اے ایچ بیٹری 25 واٹ فاسٹ چارجنگ سپورٹ کے ساتھ دی جائے گی مگر فون کے ساتھ چارجر نہیں ہوگا جبکہ ہیڈفون جیک بھی نہیں دیا جائے گا۔
فون کے بیک پر 3 جبکہ فرنٹ پر ایک کیمرا ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
