ایک دن بھی نہیں بلکہ صرف چند گھنٹوں کے  دوران ہی ٹیلی گرام کی مقبولیت میں اضافہ ریکارڈ کیا گیا ہے۔

رپورٹس کے مطابق سوشل میڈیا سائٹس بند ہونے کے باعث صرف چند گھنٹوں میں ٹیلی گرام کو 7 کروڑ صارفین  نے جوائن کیا ہے۔

اس حوالے سے بانی ٹیلی گرام  پاول دروف نے کہا ہے کہ ان کی ٹیم ہمشہ سے مشکل صورتحال کو بہترین طریقے سے سنبھالنے میں مہارت رکھتی ہے۔

خیال رہے کہ ٹیلی گرام حال ہی میں 1 ارب ڈاؤن لوڈز میں سرفہرست رہی ہے، جبکہ اس ایپ کے سال کے شروع تک 500 ملین ماہانہ فعال صارفین تھے۔

علاوہ ازیں سگنل ایپ نے بھی نئے صارفین کو ویلکم کہا ہے، ان کے آفیشل ٹوئٹ میں بتایا گیا کہ “لاکھوں نئے صارفین” ایپ میں شامل ہوئے ہیں۔

واضح رہے کہ اسی دوران سوشل میڈیا پلیٹ فارم ٹوئٹر، جس کی سروسز مکمل طور پر بحال رہیں، فیس بک اور دیگر اس کی دیگر سائٹس پر ہونے والی تنقید اور طنز کا گڑھ بن گیا اور صارفین نے مذاحیہ میمز کی مدد سے بندش کے خلاف اپنے غم و غصے کا اظہار کیا ہے۔

اس حوالے سے عوامی ذرائع کا کہنا ہے نااہلیت کا یہی حال رہا تو کل کلاں کو فیس بک اور دیگر سوشل میڈیا سے  صارفین  کی پرائیویسی کے حوالے سے اعدا دوشمار اورڈیٹا بھی چوری ہوسکتا ہے۔