ٹویوٹا آٹو موبائل کمپنی کی جانب سے منفرد فیچرز سے لیس ایک نئی گاڑی گاڑی متعارف کرائی گئی ہے جس کا نام آئیگو ایکس سٹی بتایا گیا ہے۔

اس گاڑی  کا ڈیزائن 2021 کے شروع میں پیش کیے گئے ایک کانسیپٹ ماڈل آئیگو ایکس پرولاگ سے متاثر ہے۔

آئیگو ایکس کا فرنٹ ڈیزائن کافی منفرد ہے جس میں بڑی ہیڈ لائٹس، ایک بڑی لوئر گرل اور دیگر خصوصیات موجود ہیں۔

بیک پر ڈیزائن زیادہ منفرد ہے جس میں ایک گلاس ہیچ موجود ہے جبکہ اس کے ٹائر 18 انچ قطر کے ہیں۔

گاڑی کے اندر ایک 9 انچ کی ٹچ اسکرین کے علاوہ ایک اسکرین گیج کلسٹر کے لیے ہوگی جبکہ فزیکل کلائمٹ کنٹرول گاڑی کا حصہ ہوں گے۔

اس گاڑی میں فل ایل ای ڈی لائٹس، وائرلیس ڈیوائس چارجنگ، ایمبینٹ انٹرئیر لائٹنگ، اوور دی ایئر سافٹ ویئر اپ ڈیٹس، ایپل کار پلے یا اینڈرائیڈ آٹو، اڈاپٹو کروز کنٹرول، ایمرجنسی اسٹیئرنگ اسسٹ اور کلاؤڈ بیسڈ نیوی گیشن وغیرہ نمایاں فیچرز موجود ہیں۔

گاڑی کے اندر 72 ہارس پاور کا 1.0 لیٹر تھری سلینڈر انجن دیا گیا ہے جس کے ساتھ 5 اسپیڈ مینوئل یا ویری ایبل ٹرانسمیشن کے آپشن دستیاب ہوں گے۔

یہ گاڑی یورپ کے مختلف ممالک میں 2022 کے آغاز میں دستیاب ہوگی جس کی قیمت کا اعلان نہیں کیا گیا مگر اس کی قیمت 17 ہزار ڈالرز (28 لاکھ پاکستانی روپے سے زائد) سے شروع ہونے کا امکان ہے۔