رواں برس 97 سال کی عمر میں انتقال کرنے والے ناسا کے سائنسدان گِلبرٹ طی لیوِن موت سے پہلے تک اس بات پر قائل تھے کہ انہوں نے مریخ پر زندگی کے آثار ڈھونڈ لیے ہیں۔

یہ بحث 45 برس قبل ناسا کے وائکنگ اسپیس پروب کے سپروائزر لیوِن نے چھیڑی جب اسپیش مشن کے جوڑے کو مریخ پر بھیجا گیا۔

مریخ پر جانے والے پہلے مشن کا مقصد وہاں پر کسی قسم کی گیس یا مائیکرو آرگنزم کی دریافت تھی۔

لیبلڈ ریلیز (ایل آر) نامی ٹیسٹنگ طرقہ کار کے تحت وایکنگ لینڈرز نے چار مختف مقامات پر تجربے کیے۔لینڈرز نے پہلی بار سطح کی ہائی ریزولوشن تصاویر بھی لیں۔

اس وقت لیوِن نے لکھا ’30 جولائی 1976 کومریخ کے ایل آر ٹیسٹ(لیبل ریلیز ٹیسٹ) کے نتائج آئے۔ حیران کن طور پر وہ مثبت تھے۔‘

ان نتائج نے سب کو حیرت میں ڈال دیا کیوں کہ وہ ان ایل ار ٹیسٹ کے جیسے ہی تھے جو زمین کی مٹی سے کیے گئے تھے۔

لیکن مختلف طریقہ کار سے کیے گئے ایک اور تجربے نے گِلبرٹ لیوِن کی دریافت کو کمزور کردیا۔ وائکنگ مالیکیولر انیلیسز ایکسپیریمنٹ میں آرگینگ عناصر کے شواہد نہیں ملے۔

دوسری دریافت سئ نتیجہ اخذ کیا گیا کہ لیوِن کی تحقیق میں جو دریافت ہوا وہ زندگی نہیں، زندگی جیسی کوئی چیز تھی۔

موت سے نو برس قبل 2012 میں وہ ان کی ٹیم نے ایک بار پھر وائکنگ پروگرام کے ایل آر ٹیسٹ کو دوبارہ جانچا جس کے بعد وہ اس نتیجے پر پہنچے کہ ٹیسٹ سے مریخ پر مائیکروبائل حیال دریافت ہوئی تھی۔

لیوِن کی دریافت کو اس تجربے کے بعد تقویت ملکی جو انٹرنیشنل اسپیس اسٹیشن کے باہرکیا گیا جس میں اس جانب اشارہ کیا گیا کہ مائیکرو آرگنزم شدید ٹھند اور ریڈی ایشن میں زندہ رہ سکتے ہیں۔