پارکر سولر پروب نے دو ریکارڈ بنالیے

مہدی قاضی

29th Nov, 2021. 07:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پارکر سولر پروب نے دو ریکارڈ بنالیے

ناسا کے پارکر سولر پروب نے سورج کے قریب اپنی 10ویں پرواز کے دوران دو نئے ریکارڈ بنا لیے۔

ڈیلی میل کے مطابق اس پرواز کے دوران پارکر پروب اور سورج کے درمیان صرف 85 لاکھ کلومیٹرز کا فاصلہ تھا۔ ایسا پہلی بار ہوا ہے کہ کوئی مشن سورج کے اتنا قریب سےگزرا ہو۔

دوسرا ریکارڈ رفتار کا بنا۔ پروب نے اس سفر میں پانچ لاکھ 86 ہزار 864 کلومیٹر فی گھنٹہ کی رفتار سے سفر کیا۔

یعنی اگر اس رفتار سے زمین سے چاند کی جانب جایا جائے تو تین دن کے سفر میں صرف ایک گھنٹے تک کا وقت درکار ہو۔

یہ دونوں ریکارڈ پروب کے 21 نومبر کو سورج کی جانب کیے گئے 10ویں سفر میں بنے۔

پارکر سولر پروب پروجیکٹ سائنٹسٹ نور راؤفافی کے مطابق اس گزر میں سورج کے قریب توقع سے زیادہ گرد دیکھی گئی۔

انہوں نے مزید بتایا کہ دلچسپ بات یہ ہے کہ یہ سورج کے اندرونی خطوں کے متعلق ہماری سمجھ کو بہتر کر رہا ہے۔ ہمیں اس کے ماحول کے متعلق بتارہا ہے جس سے ہم ناآشنا تھے۔

پروب کو تپش اور شعاؤں سے بچانے کےلیے اعلیٰ حفاظتی شیلڈز لگی ہوئی ہیں۔لیکن اب بھی شمسی شعاؤں سے بننے والے الیکٹرک چارج سے اُسے نقصان کا خطرہ رہتا ہے۔لہٰذا اس کا مدار اتنا بیضوی ہے کہ سورج کے قریب سے گزرنے کے بعد اِسے ٹھیک ہونے اور ریکارڈ کیا ہوا ڈیٹا زمین پر بھیجنے کا موقع مل جاتا ہے۔