سام سنگ کمپنی کی جانب سے نیا فلیگ شپ فون  ایس 21 ایف ای سال 2022میں متعارف کرانے کا اعلان کیا گیا ہے۔

اس حوالے سے جاری رپورٹس میں بتایا گیا ہے کہ ایس 21 ایف ای گزشتہ سال گلیکسی ایس 20 ایف ای  کا اپ ڈیٹ ورژن ہوگا ۔

اس حوالے سے موجودہ لیکس میں بتایا گیا ہے کہ  یہ کم قیمت فلیگ شپ فون 4 جنوری 2022 کو پیش کیا جائے گا۔

 فون میں 6.4 انچ کا ڈسپلے دیا جائے گا جبکہ 4370 ایم اے ایچ بیٹری ڈیوائس کا حصہ ہوگی جس کے ساتھ 45 واٹ فاسٹ چارجنگ سپورٹ دی جائے گی۔

فون کے یبک پر 3 کیمروں کا سیٹ اپ ہوگا جس کا مین کیمرا 32 میگا پکسل کا ہوگا جس کے ساتھ 12 میگا پکسل اور 8 میگا پکسل سنسرز ہوں گےت۔

فنگر پرنٹ سنسر اسکرین کے اندر نصب ہوگا جبکہ 8 جی بی ریم اور 128 سے 256 جی بی اسٹوریج کے آپشن دستیاب ہوں گے۔

گلیکسی ایس 21 ایف ای میں اسنیپ ڈراگون 888 پراسیسر موجود ہوگا جبکہ ڈسٹ اور واٹر ریزیزٹنس اور ڈولبی ایٹموس سپورٹ سے لیس فون ہوگا۔

اگر یہ فیچرز درست ہیں تو حیران کن طور پر ایف ای ماڈل زیادہ مہنگے گلیکسی ایس 21 کے مقابلے میں زیادہ بڑا ہوگا۔

خیال کیا جارہا ہے کہ ایس 21 ایف ای کی قیمت کم ہوگی کیونکہ ایس 21 کی قیمت 800 ڈالرز سے شروع ہوئی اور اگر 300 ڈالرز کمی کے فارمولے پر عمل کیا گی تو یہ نیا فون 500 ڈالرز کا ہوگا۔