گوگل کا فولڈ ایبل فون 2022 میں متعارف کرائے جانے کا امکان

عروبہ خان

06th Nov, 2021. 11:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوگل کا فولڈ ایبل فون 2022 میں متعارف کرائے جانے کا امکان

گوگل کی جانب سے کمپنی کا پہلا فولڈ ایبل فون سال 2022 میں متعارف کرائے جانے کا امکان ہے لیکن اس کا کیمرا سیٹ اپ موجود پکسلز فون کی طرح ہی ہوگا۔

اس فون کے حوالے سے کوئی خاص تفصیلات موصول نہیں ہوئی ہیں لیکن 9 ٹو 5 کی رپورٹ میں اس میں موجود کیمرا سیٹ اپ کے حوالے سے کچھ انکشافات کئے ہیں۔

اس رپورٹ میں فولڈ ایبل فون کو ’پپٹ‘ کے نام سے بتایا گیا ہے جو کہ اس کا کوڈ نیم ہے اور اس سے فون کو فولڈ اور ان فولڈ کر کے تصاویر بھی لی جاسکیں گی۔

اس کا مین کیمرا 12.2 میگا پکسل سنسر سے لیس ہوگا جو گوگل کی جانب سے پکسل 3 سے پکسل 5 فونز میں استعمال کیا گیا ہے۔

اس فون کا بیک کیمرا سیٹ اپ پکسل 6 کے مقابلے میں کمتر ہوگا جس کی وجہ کیمرا سیٹ اپ کی بجائے فولڈ ایبل سسٹم پر زیادہ توجہ دینا ہے۔

خیال رہے کہ گوگل کا یہ فون سام سنگ کے فولڈ ایبل فون کی ٹکر کا نہیں ہوگا کیونکہ اس میں استعمال کیا جانے والا کیمرا سیٹ اپ گوگل کے پکسل 5 اور پکسل 5 پرو جیسا ہی ہے۔