موٹرولا کا سستا ترین 5 جی فون متعارف

عروبہ خان

04th Nov, 2021. 11:54 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موٹرولا کا سستا ترین 5 جی فون متعارف

موٹرولا کمپنی کی جانب سے ایک نیا اور سستا 5 جی فون متعارف کرایا گیا ہے جس کا نام موٹو جی 51 ہے۔

اس حوالے سے بتایا جارہا ہے کہ موٹو جی 51 میں 6.8 انچ کا آئی پی ایس ڈسپلے ایچ ڈی پلس ریزولوشن اور 120 ہرٹز ریفریش ریٹ کے ساتھ دیا گیا ہے۔

فون کے اندر اسنیپ ڈراگون 480 پلس پراسیسر موجود ہے جو اسنیپ ڈراگون 480 کا کچھ بہتر ورژن ہے اور اس سے لیس فونز میں 8 جی بی تک ریم شامل کی جاسکتی ہے۔

فون کے فرنٹ پر 13 میگا پکسل کیمرا پنچ ہول ڈیزائن میں چھپا ہوا ہے جبکہ بیک پر 3 کیمروں کا سیٹ اپ موجود ہے۔

فون کا مین کیمرا 50 میگا پکسل کا ہے جس کے ساتھ 8 میگا پکسل الٹرا وائیڈ اور 2 میگا پکسل میکرو کیمرے موجود ہیں۔

ڈیوائس میں 5000 ایم اے ایچ بیٹری موجود ہے جبکہ فنگر پرنٹ اسکینر بیک پر دیا گیا ہے۔

اس ڈوئل سم فون میں 5 جی کے ساتھ ساتھ وائی فائی 5، بلیو ٹوتھ 5.2، جی پی ایس، یو ایس بی ٹائپ سی اور ہیڈ فون جیک جیسے فیچرز موجود ہیں۔

اس فون کی قیمت 235 ڈالرز (39 ہزار پاکستانی روپے سے زائد) رکھی گئی ہے مگر دستیابی کی تاریخ کا فی الحال اعلان نہیں کیا گیا۔