اسپیس ایکس کے فیلکن 9 نے ناسا تحقیقاتی سیٹلائیٹ کامیابی کے ساتھ خلاء میں بھیج دیا۔

ناسا کی جانب سے جاری کیے جانے والے بیان کے مطابق خلاء میں موجود چیزوں بشمول بلیک ہولز کے مشاہدے کے لیے بنایا گیا سیٹلائیٹ اسپیس ایکس فیلکن 9 راکٹ کے ذریعے کامیابی کے ساتھ مدار میں بھیج دیا گیا۔

ایمیجنگ ایکس رے پولریمیٹری ایکسپلورر(IXPE) اوبزرویٹری اسپیس کرافٹ ناسا نے اٹیلین اسپیس ایجنسی کے اشتراک سے بنایا گیا ہے۔

اس میں تین ٹیلی اسکوپ لگائی گئی ہیں جنہیں بڑی توانائی والے اجرامِ فلک کے ایکس رے کے چارج کی پیمائش کےلیے بنایا گیا ہے۔ ان چیزوں میں بلیک ہولز اور سپر نووا کے حصے شامل ہیں۔

جس کا مطلب ہے کہ اس سے ان پُراسرار اشیاء کے پیچھے موجود طبعیات کو جاننے کا قابل ہونا ہوگا۔

واشنگٹن میں ناسا ہیڈکوارٹرز کے سائنس مشن ڈائریکٹوریٹ کے ایسوسی ایٹ ایڈمنسٹریٹر تھامس زربوکین نے ایک بیان میں کہا کہ آئی ایکس پی ای ہمیں ہمارے اطراف موجود جارحانہ کائنات دِکھانے جارہی ہے جیسے کہ ستاروں کا پھٹنا اور کہکشاؤں کے بیچ میں بلیک ہولز کا ہونا۔ اس طریقے سے جیسے ہم نے کبھی نہیں دیکھا ہے۔

21 کروڑ 40لاکھ ڈالرز مالیت کے آئی ایکس پی ای کو جمعرات کو مشرقی معیارِ وقت کے مطابق صبح ایک بجے فلوریڈا میں قائم ناسا کے کینیڈی اسپیس سینٹر سے خلاء میں بھیجا گیا۔

اسپیس ایکس نے ٹوئٹر پر آئی ایکس پی ای کی فیلکن 9 راکٹ سے علیحدہ ہونے اور مدار میں تیرنے کی فوٹیج ٹوئٹر پر شیئر کی۔

ہنٹس ویلے میں ناسا کے مارشل اسپیس فلائٹ سینٹر کے آئی ایکس پی ای کے پرنسپل ایویسٹیگیٹر مارٹک ویزکوپف نے جاری ایک بیان میں کہا کہ یہ احساس ناقابلِ بیان ہیں کہ کسی چیز پر آپ نے دہائیوں تک کام کیا ہو اور وہ حقیقت کا روپ دھار کر اسپیس میں لانچ کردیا جائے۔

ذرائع کے مطابق پری لانچ کانفرنس میں ویزکوپف کا کہنا تھا کہ آئی ایکس پی کا پیلا ہدف کریب نیبیولا ہے جس ایک مردہ ستارے کی باقایات ہے۔