ایک نئی تحقیق میں انکشاف کیا گیا ہے کہ کچھ سفید فام نسل پرستوں نے ابتداء میں بِٹ کوائن اور دیگر کرپٹو کرنسیز میں سرمایہ کاری کر کے بڑے منافع کماتے ہوئے لاکھوں کروڑوں ڈالرز کی دولت اکٹھا کی ہے۔

غیر منافع بخش سدرن پوورٹی لاء سینٹر کی جانب سے جمعرات کو جاری ہونے والے ایک تجزیے میں سفید فارم نسل پرستوں اور دیگر دائیں بازو کے انتہاء پسند کے 600 کرپٹو کرنسی ایڈرسز کی نشاندہی کی گئی ہے۔

تحقیق میں بتایا گیا کہ نامور سفید فام نسل پرستوں نے بِٹ کوائن میں شروع کے وقت میں سرمایہ کاری کی اور اس سے بڑا منافع کمایا۔

تحقیق کے مطابق اندازاً لاکھوں کروڑوں ڈالرز مالیت کی ان شخصیات کو کرپٹو کرنسی کے بغیر یہ میسر نہیں ہوسکتا تھا۔ کرپٹو کرنسی نے انہیں موقع دیا کہ وہ آرام دہ زندگیاں گزاریں اور نفرت پھیلائیں۔

تجزیے میں مزید کہا گیا کہ کرپٹو کرنسی میں بنیادی طورپرکچھ مجرمانہ یا متشدد نہیں ہے اور اس کے زیادہ تر صارفین کا تعلق دائیں بازو کے انتہاء پسندوں سے نہیں ہے۔

ہیٹ واچ رپورٹ کے مطابق دائیں بازوں کے افراد کے لیے شروع میں کرپٹو کرنسی میں سرمایہ کاری کرنے کی مزید گہرائی میں تجزیے کی ضرورت ہے۔

مولی نیوکس، جو اپنی ویب سائٹ پر فری ڈومین نامی پوڈکاسٹ چلاتے ہیں، پر یو ٹیوب نے سفید فام نسل پرست رچرڈ اسپینسر اور سابق کو کلکس کلین کے سربراہ ڈیوڈ ڈیوک کے ساتھ جون 2020 میں نفرت انگیز گفتگو کرنے والے چینلز کے خلاف کریک ڈاؤن میں پابندی عائد کر دی تھی۔

مولی نیوکس کا ٹوئٹر اکاؤنٹ یو ٹیوب چینل بند ہونے کے ایک ہفتے سے زرا بعد معطل کردیا گیا تھا۔