ٹیلی کمیونیکیشن کمپنی ووڈا فون نے اعلان کیا ہے کہ وہ 4جی اور 5جی سروسز کو بہتر بنانے کے منصوبے کے تحت 2023 میں اپنے 3جی نیٹورک بند کرنا شروع کر دے گا۔

کمپنی کی 3 جی سروس کو بتدریج ختم کرتے ہوئے مزید طاقتور 4جی اور 5جی سروسز سے بدل دیا جائے گا۔

ووڈا فون کے مطابق 3جی اسپیکٹرم کو استعمال کرتے ہوئے 4جی اور 5جی کی کووریج اور رفتار کو تیزی ملے گی۔

3جی ٹیکنالوجی سے دوری اختیار کرنا کمپنی کا ماحولیات پر اثر بھی کم کرے گا کیوں کہ جدید 5جی نیٹورک، پرانے 3جی آلات کی نسبت 10 گُنا کم توانائی خرچ کرتے ہیں۔

البتہ، اس کا یہ مطلب بھی ہے کہ وہ لوگ جنہوں نے پرانے فون رکھے ہوئے ہیں وہ اس کو استعمال نہیں کر سکیں گے اور انہیں ڈیوائسز کو بدلنا ہوگا۔

اس سے قبل یہ فیصلہ برطانیہ کی مشہور کمپنی EE نے لیا تھا۔

کمپنی نے جولائی 2021 میں اعلان کیا تھا کہ وہ دو سالوں کے اندر 3جی نیٹورک کو ختم کر دیں گے۔

امریکا میں ٹیلی کمیونیکیشن کمپنیاں، بشمول AT&T اور ویرائزن، اس سال 3جی کو ختم کرنے کا ارادہ کر رہی ہیں۔

ووڈا فون کا کہنا ہے کہ کمپنی 2جی نیٹورک کو مستقبل قریب میں ریٹائر نہیں کر رہی۔ جس کا مطلب ہے کہ نوکیا کے ری بوٹڈ لائن جیسے نئے فون انٹرنیٹ تک رسائی حاصل کر سکیں گے۔

ووڈافون اپنا 3جی نیٹورک برطانیہ میں 17 برس قبل متعارف کرانے کے بعد بند کر رہا ہے۔

تب سے 3جی نیٹورک نے 500 ارب منٹ کی کال ہینڈل کی ہیں لیکن اس پر انحصار میں کمی کا سلسلہ تیزی سے جاری ہے۔