گاڑیوں کی مشہورکمپنی ٹویوٹا چاند کی سطح کے لیے گاڑی بنانے پر کام کر رہی ہے۔

جعمے کو کمپنی آفیشلز کا کہنا تھا کہ ٹویوٹا جاپان کی اسپیس ایجنسیکے ساتھ ایک وہیکل پر کام کر رہی ہے جس کے ذریعے چاند کی سطح پر چلا جا سکے گا۔

یہ منصوبہ 2040 تک انسان کے چاند پر رہنے اور پھر زندگی کو مریخ پر لے جانے کے پیشِ نظر بنایا گیا ہے۔

جاپان اسپیس ایجنسی کے اشتراک سے بنائی جانے والی اس گاڑی کا نام لونر کروزر رکھا گیا ہے۔ یہ نام ٹویوٹا کی لیند کروزر پر رکھا گیا ہے۔

اس گاڑی کی لانچ اس دہائی کے آخر میں کی جائے گی۔

ٹویوٹا موٹر کارپوریشن میں لونر کروزر پروجیکٹ کے سربراہ ٹکاؤ ساٹو کا کہنا تھاکہ یہ گاڑی اس خیال پر مبنی ہے کہ لوگ بحفاظت گاڑی میں کام کر سکیں، کھا سکیں، سو سکیں اور دیگر افراد کے ساتھ رابطہ کر سکیں اور ایسا ہی بیرونی خلاء میں کیا جاسکے۔

ساٹو کا کہنا تھا کہ ہم خلاء کو اپنی صدیوں میں ایک بار تبدیلی کے طور پر دیکھتے ہیں۔ خلاء میں جا کر ہم شاید ٹیلی کمیونیکیشن اور دیگر ٹیکنالوجی اتنا جدید کرنے کے قابل ہوجائیں جو انسانی زندگی کے لیے اہم ثابت ہوگی۔

جیٹائی جاپان انکارپوریٹڈ نے لونر کروزر کے لیے ایک روبوٹک بازو بنایا ہے جو جانچ پڑتال اور مرمت کے کام انجام دینے کے لیے انجام دیا گیا ہے۔

اس کا گریپل فیکسچر اس بازو کے سرے کو اس قابل بناتا ہے کہ یہ مختلف اوزاروں کی طرح کام کر سکے۔