آسمان کے 27 فی صد حصے کا نقشہ تیاربول نیوز

آسمان کے 27 فی صد حصے کا نقشہ تیار

ویب ڈیسک

26th Feb, 2022. 11:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسمان کے 27 فی صد حصے کا نقشہ تیار

ماہرین فلکیات نے زمین کے اوپر شمالی سمت میں آسمان کی ایک چوتھائی سے زیادہ حصے کی نقشہ سازی کر لی ہےجس میں کہکشاؤں سے لے کر بلیک ہولز تک 44 لاکھ خلائی اشیاء کی تفصیلات موجود ہیں۔

ماہرین فلکیات کی ایک بین الاقوامی ٹیم نے لو فریکوئنسی ایرے، ایک پین-یورپی ریڈیو ٹیلی اسکوپ، کا استعمال کرتے ہوئے کائنات کے متعلق تفصیلات جمع کر رہی ہے۔

یہ نقشہ ایک متحرک کائنات کی تصویر پیش کرتا ہے جس میں کثیر تعداد میں اشیاء موجود ہیں جو زمین سے اربوں نوری سال کے فاصلے پر موجود ہیں۔

اس پروجیکٹ کے پشت پر موجود ماہرینِ فلکیات کا کہنا ہے کہ یہ ڈیٹا سیاروں اور کہکشاؤں سے لے کر بلیک ہولز تک وسیع پیمانے پر موجود اشاروں کے لیے تازہ فہم دیتا ہے۔

یہ ریڈیو فریکوئنسی سگنلز کا ایک مجموعہ ہے جن کو یورپ بھر میں متعدد ٹیلی اسکوپس نے پکڑا ہے۔ ہر سگنل چمکتے پیلے نکتے کے طور پر ظاہر ہوا ہے۔

اب تک 27 فی صد آسمان کی نقشہ سازی کی جا چکی ہے جس میں 44 لاکھ اشیاء کی موجودگی کا انکشاف ہوا ہے، جن کو عوام پر پہلی بار منکشف کیا گیا ہے۔

ان اشیاء کی اکثریت زمین سے اربوں نوری سال کے فاسلے پر ہیں اور یا تو وہ کہکشائیں ہیں جن میں بڑے بلیک ہولز موجود ہیں یا وہ تیزی سے بڑھتے نئے ستارے ہیں۔