اسپیس ایکس کی جانب سے 50 اسٹارلنک انٹرنیٹ سیٹلائیٹس خلاء میں بھیجنے کے بعد راکٹ واپس سمندر میں جہاز پر اتر گیا۔

ٹو اسٹیج فیلکن 9 راکٹ کو 50 اسٹارلنک انٹرنیٹ سیٹلائیٹس کے ساتھ کیلیفورنیا میں قائم وینڈنبرگ اسپیس فورس بیس سے جمعے کے روز خلاء میں بھیجا گیا۔

نو منٹ سے کم عرصے کے بعد فیلکن 9 کی پہلی اسٹیج نے کیلفورنیا کے ساحل سے سیکڑوں کلومیٹر دور کھڑے اسپیس ایکس ڈرون شپ پر عمودی حالت میں لینڈ کیا۔

جبکہ دوسری اسٹیج نے 50 سیٹلائیٹس کو مدار میں پہنچانے کے لیے سفر جاری رکھا۔

اسپیس ایکس نے ٹوئٹر پر سیٹلائیٹس کے خلاء میں کامیابی سے چھوڑنے کی تصدیق کی۔

اس بوسٹر سے یہ چوتھی لانچ اور لینڈنگ تھی۔

اسپیس ایکس کے نمائندے کا کہنا تھا کہ اس سے قبل اس پہلی اسٹیج نے ناسا اور یورپی تنظیم کے سینٹیل-6 مائیکل فریلخ ارتھ آبزرویشن سیٹلائیٹ کو نومبر 2020 میں لانچ کرنے میں مدد دی تھی۔ اس کے علاوہ مئی 2021 میں 60 اسٹارلنگ سیٹلائیٹس کو بھیجنے اور نومبر 2021 میں DART اسپیس کرافٹ کو بھیجنے میں مدد دی تھی۔

بوسٹر کا دوبارہ استعمال اسپیس ایکس اور اس کے بانی اور سی ای او ایلون مسک کی ترجیح ہے۔

ایلون مسک مریخ پر انسانی آبادی بسانے میں مدد کا عزم رکھتے ہیں۔