ماہرینِ فلکیات نے نظامِ شمسی کے باہر سب سے کم وزن سیارہ دریافت کیا ہے جو نظامِ شمسی کے سب سے قریبی ستارے کے گرد گھومتا ہے۔

پروگزیما ڈی نامی یہ سیارہ وزن میں زمین کا ایک چوتھائی ہے۔ پروگزیما سینٹاری سسٹم میں دِکھنے والا یہ تیسرا سیارہ ہے جو زمین سے صرف چار نوری سال کے فاصلے پر ہے۔

یہ سیارہ ایک ستارے اور قابلِ حیات علاقے کے درمیان گردش کرتا ہے۔ یہ علاقہ سورج کے گرد ایک ایسا علاقہ ہوتا ہے جہاں پانی سیارے کی سطح پر موجود ہو سکتا ہے۔

یہ سیارہ پروگزیما سینٹاری کے گرد صرف پانچ دن میں چکر لگاتا ہے۔

نیا دریافت شدہ سیارہ پروگزیما سینٹاری سے 25 لاکھ میل کے فاصلے پر ہے۔ جو ہمارے نظامِ شمسی کے سب سے پہلے سیارے عطارد اور سورج کے درمیان فاصلے کا 10 واں حصہ ہے۔

تحقیق کے رہنماء مصنف ژاؤ فاریا کا کہنا تھا کہ یہ دریافت بتاتی ہے کہ ہمارا قریبی خلائی پڑوس دلچسپ نئی دنیاؤں سے بھری پڑی ہے۔

وہ ایک ماہرینِ فلکیات کی ٹیم کا حصہ تھے جنہوں نے چلی میں نصب یورپی سدرن آبزرویٹری ویری لارج ٹیلی اسکوپ کا استعمال کرتے ہوئے پروگزیما ڈی کو دریافت کیا۔

پروگزیما ڈی کے متعلق خیال کیا جاتا ہے کہ وہ ایک چٹانی سیارہ ہے۔

یہ پروگزیما سینٹاری سسٹم میں تیسرا اور سب سے کم وزن سیارہ دریافت ہوا ہے جو ریڈ ڈوارف سیارے کے گرد چکر لگا رہا ہے۔