نارویجیئن کمپنی نے ٹیسلا کے لیے خطرے کی گھنٹی بجادیبول نیوز

نارویجیئن کمپنی نے ٹیسلا کے لیے خطرے کی گھنٹی بجادی

ویب ڈیسک

21st Feb, 2022. 06:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نارویجیئن کمپنی نے ٹیسلا کے لیے خطرے کی گھنٹی بجادی

ٹیسلا کا سائبر ٹرک لوگوں کی دلچسپی کا مرکز بنا ہوا ہے۔ لیکن اس وقت میں جب لوگ اس سائبر ٹرک کے منتظر ہیں ایک علیحدہ پروجیکٹ نے اس کی سنسنی کے لئے خطرے کی گھنٹی بجا دی ہے۔

حال ہی میں 1 لاکھ 15 ہزار ڈالرز مالیت کی ایک برقی گاڑی کی رُنمائی کی گئی ہےجس کے اندر آٹھ مسافروں کے بیٹھنے کی جگہ ہے۔

نارویجیئن کمپنی نےFresco XL نامی اس گاڑی کا فی الحال ایک تھری ڈی ماڈل پیش کیا ہے لیکن ان کا کہنا ہے کہ ان کی گاڑی ایک چارج میں 1000 کلو میٹر تک کا فاصلہ طے کر سکے گی۔

دیگر کاریں جو اتنا فاصلہ طے کر سکتی ہیں یا تو سلون ہیں یا سیڈان ہیں اور اس کی وجہ ان کی بہتر ایرو ڈائنامکس ہے کیوں کہ وہ چھوٹی اور ہلکی ہوتی ہیں۔

فریسکو ایکس ایل کو سخت موسموں کے لیے ڈیزائن کیا جائے گا اور یہ گاڑی دو موٹروں کے ساتھ آئے گی۔

تکمیل کے ابتدائی مراحل میں ہونے کے باوجود یہ برقی گاڑی 1466 ڈالرز ڈیپازٹ کے عوض پہلے سے آرڈر کے لیے دستیاب ہے۔ ابتداء میں 3000 ماڈلز دستیاب ہوں گے۔

فی الحال فریسکو ایکس ایل کے متعلق مزید کچھ علم نہیں ہے لیکن اس کے ڈیزائنروں کا کہنا تھا کہ اس میں ڈبل-اسٹیکڈ بیٹریاں اور وہیکل ٹو لوڈ صلاحیت ہوگی۔

اس کا مطلب ہے کہ بنیادی بیٹری کار میں دیگر چیزوں کو پاور دینے کے قابل ہوگی۔