ماہرینِ فلکیات نے ایک نئی قسم کا عجیب و غریب ستارہ دریافت کیا ہے جو ہیلیئم کی جلتی راکھ سے ڈھکا ہوا ہے۔

ماہرین کا کہنا ہے کہ اس کی تخلیق ایک نایاب خلائی ملاپ کے وقوع کے نتیجے میں ہوئی ہے۔

ایریزونا میں لارج بائنوکیولر ٹیلی اسکوپ کو استعمال کرتے ہوئے ’گرم ستاروں‘ کی تلاش کرتے ہوئے جرمن ماہرین کی ٹیم کے سامنے دو ستارے آئے جن میں ایک جیسی غیر معمولی خصوصیات تھیں۔

PG1654+322 اور PG1528+025نامی یہ ستارے ہماری کہکشاں میں ہی ہیں لیکن زمین سے ان کا فاصلہ 10 ہزار نوری سال سے لے کر 25 ہزار نوری سال تک ہے۔

جہاں عام ستاروں کی سطح ہائیڈروجن اور ہیلیئم سے بنی ہوتی ہے، وہیں یہ دونوں ستارے بڑی مقدار میں کاربن اور آکسیجن سے ڈھکے ہوئے ہیں – جو ہیلیئم نیوکلیئر فیوژن کا بائی-پراڈکٹ ہیں۔

ماہرین نے کاربن اور آکسیجن دونوں گیسز کی حیران کن طور بہتات رپورٹ کی۔ دونوں گیسز کی دونوں ستارورں کی تشکیل میں شراکت 20،20 فی صد کے قریب ہے۔

وہ ستارے جو اس مقدار میں کاربن اور آکسیجن میں ڈھکے ہوتے ہیں وہاں عموماً نیوکلیئر فیوژن مکمل ہوا ہوتا ہے جو ستارے کے مرکز میں ہوا ہوتا ہے۔

تاہم، ایک چیز جو پہلے کبھی نہیں دیکھی گئی وہ یہ دونوں نو دریافت شدہ ستاروں کے درجہ حرارت اور قطر یہ اشارہ دے رہے ہیں کہ ان کے اندر ہیلیئم نیوکلیائی جل رہے ہیں۔

یہ خیال کیا جارہا ہے کہ ستاروں کی یہ نئی قسم دو وائٹ ڈوارف ستاروں –گرم، وزنی اور طویل مدت سے مردار ستاروں کی باقیات- کے ملاپ سے بنی ہے۔