ماہرین کا کہنا ہے کہ برقی گاڑیوں کی بیٹریوں کو بنانے کے لیے استعمال کیا جانے والا کیمیکل، صاف، سستا اور مزید کارآمد راکٹ کا ایندھن بنانے کے لیے استعمال کیا جاسکتا ہے۔

یونیورسٹی آف کیلیفورنیا کے محققین نے امونیا بورین کے دیگر استعمال کا مطالعہ کیا۔ یہ کیمیکل برقی گاڑیوں کے فیول سیل میں ہائیڈروجن ذخیرہ کرنے کے لیے استعمال کیا جاتا ہے۔

امریکی ٹیم نے بتایا کہ فی الحال، راکٹ میں استعمال کیا جانے والا سب سے عام ایندھن ہائیڈرو کاربن پر مبنی ہے اور یہ ماحول پر متعدد منفی اثرات مرتب کرنے کے لیے جانا جاتا ہے جن میں مٹی کا زہریلا بننا، کینسر کا سبب بننے اور تیزابی بارش کا سبب بننا شامل ہے۔

ٹیم کو معلوم ہوا کہ اس کے برعکس امونیا بورین جلنے کے بعد کچھ بہتر مرکبات خارج کرتا ہے جیسے کہ بورون آکسائیڈ اور پانی جو ماحول کے لیے کم نقصان دے ہیں۔ جبکہ یہ موجودہ راکٹ ایندھن سے زیادہ توانائی فراہم کرتا ہے۔

گرین ہاؤس گیسز کے کم اخراج کے ساتھ یہ ایندھن زیادہ توانائی دیتا ہے اور موجودہ ایندھن کی نسبت سستا بھی ہے اور اس جمانے کی کوئی ضرورت پیش نہیں آتی۔

ایندھن کی ایک جیسی مقدار میں زیادہ توانائی کی پیداوار راکٹ کمپنیوں کا پیسہ بچائے گا اور ہر لانچ پر آنے والے اخراجات کو نیچے لانے میں مدد دے گا۔ کیوں کہ کمپنیوں کو روایتی ہائیڈرو کاربنزکی نسبت ہر لانچ پر کم امونیا بورین کی ضرورت پڑے گی۔